spot_img
spot_img

कक्षा पाँचवटा, शिक्षक भने एकजना

शरद अधिकारी

खानीगाउँ(सैघा), फागुन । घोराही उपहानगरपालिकाको सवैभन्दा विकट वडाका रुपमा रहेको वडा नं. १९ मा पर्ने बराह क्षेत्र प्राथमिक विद्यालयमा विहीबार दिउँसो पुग्दा शिक्षक सरीता केसी हस्याङ फस्याङ गर्दै हुनुुहुन्थ्यो । केह विद्यार्थी बाहिर खेलिरहेका थिए । केही विद्यार्थी कक्षा कोठामा थिए ।

विद्यालयमा पाँचवटा कक्षा छन् । विहीबारका दिन केसी मात्रै उपस्थित हुनुहुन्थ्यो । एक देखि कक्षा पाँच सम्म अर्थात पाँचवटा कक्षा एक्लै सम्हाल्न उहाँलाई हम्मे हम्मे परिरहेको थियो । ‘एक्लै छु, हैरान भएको छ, कता कता जाने, कसरी पढाउने ?’ उहाँले भन्नुभयो । विद्यालयमा चारजना मात्रै शिक्षक हुनुहुन्छ । केही दिन अघि प्रधानाध्यापकको जिम्मेवारीमा रहनुभएका शिशिर खनाल अनेत्रै जानुभयो । खनालले पढाउने विषयहरु त्यसै अलपत्र परिरहेका छन् ।

खनालले अंग्रेजी, विज्ञान, स्थानीय विषय बढाउने गर्नुभएको थियो । पुसको २६ गते खनाल सरुवा भएर गएपछि एक महिना भन्दा लामो समयदेखि उहाँले पढाउने विषयहरु पढाइ भइरहेका छैनन् । ‘कहिलेकाँही मैले शिशिर सरले पढाउनुभएका विषय पढाउँछु ।’ केसीले भन्नुभयो । कक्षा ५ का विद्यार्थी देवराज विकले परीक्षा आउने समय भइसक्दा पढाइ नसकिएको र पढाइ निमियत नभएको गुनासो गर्नुभयो ।

सिमलडाँडाबाट एक घण्टा हिडेर विद्यालय आएको बताउने प्रकाश घर्तीले विद्यालयमा आएपनि पढाइ नहुने समस्या रहेको बताउनुभयो । करिव एक महिनादेखि राम्रोसंग पढाइ भइरहेको छैन । विहीबार एक जना शिक्षक मात्रै उपस्थित हुँदा केही विद्यार्थी बाहिर खेलिरहेका थिए । केही विद्यार्थीहरु कक्षा कोठामा थिए । कक्षा ५ का विद्यार्थीहरु कोठा भित्र बसेर पढीरहेका थिए । कक्षामा ११ जना विद्यार्थी भर्ना भएको भएपनि विहीबार ६ जना मात्रै उपस्थित थिए । शिक्षक पाँच जनामा एक जना, विद्यार्थी करिव एक सयमा आधा जति उपस्थिति थिए । नेपाली विषय पढाउने सरीता चौधरी सासु वितेका कारण उपस्थिति हुनुभएको थिएन । कार्यालय सहयोगी देवकली घर्ती पढाइको सिलसिलामा भर्ना हुनका लागि अन्तिम दिन भनेर जानुभएको थियो । बाल शिक्षा अन्तरत मिना बोहरा पनि कार्यालयमा उपस्थिति हुनुहुन्थेन । जसका कारणले गर्दा विहीबार सरीता केसी मात्रै विद्यालयमा उपस्थित हुनुभएको थियो । बोहराले खुट्टा मर्केका कारणले गर्दा आउन नपाएको खवर पठाउनुभएको थियो । विद्यालयमा सरकारी दरवन्दी दुईजनाको मात्रै रहेको छ । एक जना कार्यालय सहयोगी र एकजना सहयोगी कार्यकर्ताका रुपमा हुनुहुन्छ । कार्यालय सहयोगीको दरवन्दीमा रहनुभएकी देवकली घतीले कक्षा ५ का विद्यार्थीलाई स्वास्थ्य विषय पढाइरहनुभएको छ ।

करिव ४० बर्ष अघि स्थापना भएको विद्यालयमा करिव एक सय विद्यार्थीहरु रहेका छन् । २०४१ सालमा स्थापना भएको विद्यालयमा शिक्षकको अभाव मात्रै होइन अभावका अनेकौं विषयहरु रहेका छन् । विद्यालयमा एउटा धारा रहेको छ जसमा पानी आउँदैन । विद्यालयमा आउने पानी गाउँलेले नै बन्द गरिएको गुनासो विद्यार्थीहरुको छ । जसका कारणले गर्दा विद्यार्थीहरुलाई खानेपानीको समस्या रहेको छ । शौचालयमा पानी त टाढाको कुरा भएको छ ।

विद्यालयमा शिक्षकहरु उपस्थित नभएको बारेमा जानकारी लिनका लागि विद्यालयका अध्यक्ष खिमबहादुर घर्तीलाई सम्पर्क राख्दा उहाँकोमा सम्पर्क हुन सकेन । यस्तै घोराही उपमहानगरपालिका शिक्षा महाशाखाका प्रमुख विनोद गौतमले विद्यालयमा प्रअ आज शुक्रबारबाटै जाने बताउनुभयो । उहाँले पहिलेका प्रअ सरुवा भएर रामपुर आएपछि प्रअको दरवन्दी रिक्त थियो । शिक्षा महाशाखाले प्रावि बराह क्षेत्रमा एक जना प्रअ पठाउने बारेमा निर्णय पास भइसकेको बताउनुभयो ।
वडा नं. १९ का अध्यक्ष ज्ञानबहादुर रायमाझीले वडा नं. १९ को विकट विद्यालयका रुपमा रहेको बराह क्षेत्र विद्यालयको समस्याका बारेमा आफू जानकार रहेको बताउनुभयो । उहाँले विद्यालयमा देखिएको समस्या समाधान गर्नका लागि वडाका तर्फबाट पहल गरिएको बताउनुभयो । विद्यायलमा रहेको दरवन्दी अनुसार शिक्षक व्यवस्थागर्ने देखि लिएर अन्य खालका सेवा सुविधा थप गर्ने विषयमा आफूले पहल गरिरहेको उहाँले बताउनुभयो ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img