राप्ती पोष्ट
घोराही, १८ माघ । घोराहीमा रहेको राप्ती इञ्जिनियरिङ कलेजले स्थापना दिवसको अवसरमा विहीबार तेस्रो जिल्लास्तरिय हाजिरी जवाफ प्रतियोगिता आयोजना ग¥यो । शुक्रबार कलेजमा सम्पन्न जिल्लास्तरीय हाजिरी जवाफ प्रतियोगितामा रोजी बड्स प्रथम, दाङ भ्याली दोस्रो र गोर्खा स्कुल तेस्रो भएको थियो ।
प्रतियोगितामा रोजी बड्सका छात्र ऋृषिकेश चौधरी, साहिल चौधरी र छात्रा स्वीकृति भुषालको टोली प्रथम भएको थियो । यसैगरी प्रतियोगितामा दाङ भ्याली कलेजका छात्र पिताम्बर यादव, आयुष पोख्रेल र छात्रा एन्जिलिना डाँगीको समूह द्वितीय भएको थियो भने गोर्खा स्कुल लमहीका विशाल अधिकारी, निरज शर्मा र छात्रा उपासना आलेको टिमले तृतीय स्थान हासिल गरेको थियो । त्यस्तै प्रतियोगितामा गोर्खा तुलसीपुरका छात्र रिजोन बस्नेत, शिवराज वली र छात्रा अप्रेना केसीको टोलीले सान्त्वना स्थान हासिल गरेको थियो । प्रतियोगितामा प्रथम, द्वितीय, तृतीय र सान्त्वना स्थान हासिल गर्ने विद्यालयका विद्यार्थीहरुलाई क्रमशः नगद, मेडल र प्रमाणपत्र वितरण गरिएको थियो ।
कलेजका व्यवस्थापन समितिका अध्यक्ष डा. भिमसेन गिरीको अध्यक्षतामा भएको कार्यक्रमको उद्घाटन घोराही उपमहानगरपालिका सामाजिक विकास महाशाखा प्रमुख विनोद गौतमले गर्नुभएको थियो । कार्यक्रममा बोल्दै गौतमले विद्यार्थीहरुको क्षमता अभिवृद्धि गर्नका लागि हाजिरी जवाफ जस्ता प्रतियोगिता आयोजना गर्ने राप्ती इञ्जिनियरिङ कलेजलाई धन्यवाद दिनुभयो ।
कार्यक्रममा कलेजका प्रीन्सीपल रेशम गिरी, आदर्श मावि देउपुरका शिक्षक वसन्तराज अधिकारी गोर्खा स्कुल तुलसीपुरका विज्ञान कोर्डिनेटर विष्णुप्रसाद भण्डारी, गुरु जरुर मावि तुलसीपुरका विज्ञान विषयका कोर्डिनेटर चन्द्र बहादुर केसी, गोर्खा स्कुल घोराहीका विज्ञान विषयका शिक्षक थम्मन बस्नेतले शुभकामना मन्तव्य व्यक्त गर्दै राप्ती इञ्जिनियरिङ कलेजले दाङमा इञ्जिनियरिङ पढाइमा ठूलो भूमिका खेलेको बताउनुभयो ।
प्रतियोगितामा गोर्खा स्कुल घोराही, जनज्योति विद्यामन्दिर घोराही, गुरुकुल एकेडेमी घोराही, गोर्खा स्कुल तुलसीपुर, हिमाल एकेडेमी तुलसीपुर, गोर्खा स्कूल लमही, दाङभ्याली कलेज घोराही, रोजी बर्ड्स स्कुल लमही, पद्मोदय पब्लिक नमूना मावि घोराही, पब्लिक ज्यानज्योती तुलसीपुर, मावि रझेना घोराही, आदर्श स्कूल देउपुर, सिद्धरत्ननाथ स्कुल नारायणपुर, सिद्धार्थ एकेडेमी घोराही र गुरुजजुर मावि तुलसीपुर गरी १५ वटा विद्यालयका विद्यार्थीहरुको सहभागिता थियो ।
कलेजले बिगत तीन वर्षदेखि निरन्तर रुपमा जिल्लास्तरीय हाजिरी जवाफ प्रतियोगिताको आयोजना गर्दै आइरहेको छ । कार्यक्रममा कलेजका विद्यार्थीहरुले विभिन्न नृत्यहरु प्रस्तुत गरेको थिए । कलेजका डाइरेक्टर मधुसूदन वैद्यको स्वागत मन्तव्यबाट सुरुभएको कार्यक्रमको सञ्चालन कलेजका आइटी विभाग प्रमुख विश्ववन्धु थापाले गर्नुभएको थियो ।
