spot_img
spot_img

घोराहीको प्रदर्शनीका लागि समिति गठन तयारी तिव्र

राप्ती पोष्ट

घोराही, माघ । नेपाल घरेलु तथा साना उद्योग महासंघ दाङको आयोजनामा मिति आगामी फागुन ३ गते देखि १३ गतेसम्म आयोजना हुने ‘लुम्बिनी प्रदेश स्तरीय साना तथा घरेलु उद्योग, पर्यटन तथा कृषि प्रदर्शनी– २०७९’ का लागि विभिन्न उप समिति गठन गरिएको छ ।

नेपाल घरेलु तथा साना उद्योग महासंघ दाङ शाखाका अध्यक्ष प्रदीप मजगैयाँको अध्यक्षतामा बसेको बैठकले मगजैयाकै संयोजकत्वमा एक सय एक सदस्यीय मूल आयोजक समिति गठन गरेको छ । मूल समिति अन्तरगत रहने गरी पाँच सदस्यीय प्रदर्शनी व्यवस्थापन सचिबालय समिति गठन गरेको छ । जस्कोमा संयोजकमा महासंघ जिल्ला शाखाका बरिस्ठ उपाध्यक्ष लब अधिकारी र सदस्य सचिबमा महासंघ घोराही शाखा नगर समिति महासचिब नबिन पोख्रेललाई चयन गरिएको छ । बैठकले १५ प्रदर्शनी सफल बनाउन र आवश्यक सल्याह सुझाव लिनका लागि सल्लाहकार समिति समेत गठन गरेको छ । जसको संयोजकमा महासंघ प्रदेश कमिटीका सल्लाहकार तथा पूर्व जिल्ला अध्यक्ष किरण कुमार रेग्मीलाई चयन गरिएको छ ।

बैठकले प्रदर्शनीलाइ भब्य, सभ्य रुपमा सम्पन्न गर्नका विभिन्न १३ वटा उपसमितिहरु समेत गठन गरेको छ । जस अनुसार प्रेम कुमारी पुनको संयोजकत्वमा झाँकी व्यवस्थापन उप समिति गठन गरिएको छ । यसैगरी सिता मल्लको संयोजकत्वमा स्टल निर्माण तथा व्यवस्थापन उप समिति, कोषाध्यक्ष बिष्णु थापाको संयोजकत्वमा आर्थिक व्यवस्थापन उप समिति गठन गरिएको छ ।

यसैगरी सागर बस्नेतको संंयोकत्वमा टिकट व्यवस्थापन उप समिति, श्रीमन न्यौपानेको संयोजकत्वमा अनुगमन तथा मुल्यांकन उपसमिति, सशिधर ओलीको संयोजकत्वमा स्वाथ्य उप समिति गठन गरिएको छ । यसैगरी नेप बहादुर बि कको संयोजकत्वमा सुरक्षा तथा स्वयंसेवक व्यवस्थापन, युबराज थपलियाको संयोजकत्वमा कृषि तथा पर्यटन व्यवस्थापन उप समिति गठन गरिएको छ ।

महोत्ववका लागि आवश्यक पर्ने विद्युत तथा खानेपानी व्यवस्थापनका लागि शिव राज लम्सालको संयोजकत्वमा उप समिति गठन गरिएको छ । श्रीधर कुमार लम्सालको संयोजकत्वमा खाना तथा नास्ता व्यवस्थापन उप समिति, लिला धर भण्डारीको संयोजकत्वमा पार्किग व्यवस्थापन उप समिति, दुर्गा प्रसाद पाण्डेको संयोजकत्व्मा संचार तथा प्रचार प्रसार उप समिति गठन गरिएको छ भने मुना बस्नेतको संयोजकत्वमा अथिति तथा मंच व्यवस्थापन उप समिति गठन गरिएको प्रदर्शनी व्यवस्थापन सचिबालयका संयोजक लव अधिकारीले जानकारी दिनुभयो ।

प्रदर्शनीमा करिव तीन सय ५० स्टलहरु रहनेछन । ति मध्य करिव एक सय स्टल घरेलु उद्योग र कृषि प्रदर्शनीसंग सम्वन्धित हुने आयोजकको भनाई छ । यस बाहेक केही व्यावसायिक स्टलहरु रहनेछन् । लघु घरेलु तथा साना उद्योगहरुबाट उत्पादित साथै कृषि तथा घरेलु उद्योग संग सम्वन्धित बस्तु तथा सेवाहरुलाई प्रदर्शनीमा राख्नका लागि प्रमुख ग्राहयता दिइनेछ । उत्पादक र उपभोक्ताबीच सिधा सम्पर्क गराई स्थानीय तथा स्वदेशी उत्पादनलाई प्रोत्साहन गर्दै विदेशी उत्पादनलाई प्रतिष्थापन गर्ने योजना बनाइएको आयोजकले बताएको छ ।

महिला उद्यमशिलता, लघु उद्यमी तथा हस्तकलाका उत्पादन सामग्रीहरुलाई प्रोत्साहन गर्दै उपभोक्ताहरुको रुचि चाहना र आवश्यकतालाई उत्पादक सम्म पु¥याउने लक्ष्यका साथ प्रदर्शनी आयोजना गरिएको छ । प्रदेशको धार्मीक तथा पर्यटकीय स्थलको प्रचार प्रसार गरी आन्तरिक एवं बाह्य पर्यटन आवागमनमा बृद्धि गरिनेछ । स्थानीय मौलिक कला संस्कृति तथा रहन सहनको प्रवद्र्धन, संरक्षण र सम्वद्र्धनका कार्यक्रम संचालन गर्ने उद्देश्य राखिएको मुल समितिका संयोजक मजगैयाले बताउनुभयो ।
आगामी फागुन ३ गतेदेखि १३ गतेसम्म आयोजना हुने लुम्बिनी प्रदेश स्तरीय ‘साना तथा घरेलु उद्योग, पर्यटन तथा कृषि प्रदर्शनी– २०७९’ घोराही १४ झिंगौरामा हुनेछ । कोरोनाका कारण उत्पन्न आर्थिक मन्दीले गर्दा साना तथा घरेलु उद्योगको बजारीकरण गर्न गाह्रोे भएकोले ‘साना तथा घरेलु उद्योगको बिकास र विस्तार, लुम्बिनी प्रदेशको सम्वृद्धिको आधार’ भन्ने मूल नाराका साथ प्रदेश स्तरीय प्रदर्शनी गर्न लागिएको अध्यक्ष मज्गैयाँले बताउनुभयो ।

महोत्सवमा टिकट शुल्क एक सय रुपैयाँ निर्धारण गरिएको छ भने विद्यार्थी एवम् अपाङ्गता भएका व्यक्तिका लागि ५० रुपैयाँ र पूर्ण अशक्त र अति अशक्त अपाङ्गता भएकाहरु र जेष्ठ नागरिकहरुलाई परिचयपत्रका आधारमामा प्रवेश निःशुल्क हुने भएको छ । स्टल बुकिङ्गका लागि माघको २५ गतेसम्म समय छुट्टाईएको उहाँले बताउनुभयो ।

महासंघले लघु घरेलु तथा साना उद्योग तथा कृषि क्षेत्रबाट उत्पादन भएका स्वदेशी वस्तुहरुको गुणस्तरीय पहिचान गराई उत्पादित बस्तुलाई राष्ट्रिय तथा अन्तरराष्ट्रिय क्षेत्रमा व्यापारको वातावरण बनाउन विभिन्न क्रियाकलाप गर्दै आएको जनाएको छ । प्रदर्शनीका सवै कृयाकलापमा गुल्मी, रुपन्देशी, बाँके, अर्घाखाँची, बर्दिया, कपिलवस्तु, दाङ, रुकुम, प्यूठान, नवलपरासी, पाल्पा र रोल्पालाई जोड्ने योजना रहेको पनि आयोजकले बताएको छ ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img