spot_img
spot_img

एमालेलाई जिताउन मतदाता आतुर छन् –पोख्रेल

जगतप्रसाद पोख्रेल
अध्यक्ष पदका उम्मेदवार
नेकपा एमाले, राप्ती गाउँपालिका

जगत प्रसाद पोखरेल समाजसेवा र व्यवसायीको क्षेत्रमा परिचित नाम हो । राजनीति भन्दा केही टाढा रहेर व्यावसायिक यात्रामा रहनुभएका पोखरेल यतिवेला राप्ती गाउँपालिकामा नेकपा एमालेका तर्फबाट अध्यक्ष पदको उमेदवार बन्नुभएको छ । व्यावसायिक रुपमा राम्रो छवि बनाउनुभएका पोखरेलसंग निर्वाचनको सन्दर्भमा गरिएको कुराकानी प्रस्तुत छ ।(सम्पादक)

निर्वाचन नजिक आएको छ प्रचार प्रसार कसरी चलिरहेको छ ?
निर्वाचन नजिक हुँदै जाँदा प्रचार प्रसारलाई व्यापक बनाएका छौं । घरदैलो अभियान र विभिन्न स्थानमा भेला सभा गर्ने काम गरिरहेका छौं । पहिलो चरणमा हामीले घरदैलो अभियान थाल्यौं यो अव अन्तिम चरणमा पुगेको छ । यसपछि अलि मसिनोगरी दोस्रो चरणको घरदैलो अभियान गर्दैछौं । मतदाता संग भेट गर्ने, उहाँहरुका कुराहरु सुन्ने काम भइरहेको छ ।

कस्तो छ माहौल ?
पाँच बर्ष पछि भइरहेको निर्वाचनले सबै क्षेत्रमा उत्साह थपेको छ । प्रचार अभियान लगेर जाँदा मतदाताले अत्यन्त राम्रो समर्थन गर्नुभएको छ । वडा वडामा राम्रो प्रतिक्रिया आइरहेको छ । कार्यकर्ताको परिचालन अत्यन्त व्यवस्थित तरिकाले गरेका छौं । हामीले टोल कमिटी समेत बनाएर प्रचार अभियान चलाएका छौं । निर्वाचनमा मत माग्न जाँदा हामीलाई निकै आम मतदाताको आर्शिवाद रहेको छ । जहाँ जहाँ पुगेका छौं त्यहा सवैले हामीलाई राम्रो सल्लाह, सुझाव र प्रतिक्रिया दिनुभएको छ ।

तपाई त व्यावसायिक क्षेत्रमा क्रियाशिल हुनुहुुन्थ्यो निर्वाचनमा जाँदा कस्तो लागिरहेको छ त ?
म व्यावसायिक क्षेत्रमा रहेको भएपनि निर्वाचन त त्यहाँ पनि हुन्थ्यो । व्यावसायिक रुपमा भएको निर्वाचनमा पनि जितेर आएको व्यक्ति हुँ म । जहाँसम्म राजनीतिको कुरा छ म नेकपा एमालेमा थिएन तर अर्को दलमा थिए । जुन दलमा रहेको भएपनि म जनताको बीचमा थिए । समाजका लागि आवश्यक पर्ने विषयमै थिए । म जहिले पनि जनताको बीचमा थिए भन्ने कुरा बुझ्नुपर्छ । मैले राजनीतिक दलको कार्यकर्ताका रुपमा निर्वाचन पहिलो भएपनि निर्वाचनका हिसावले यो पहिलो होइन । म आफै उत्साहित भएको छु । कार्यकर्ता र मतदाताको सक्रृयताले थप उत्साहित बनाएको छ ।

निर्वाचनको प्रचारमा जाँदा तपाईका एजेण्डा के कस्ता छन ?
पहिलो कुरा त राप्ती गाउँपालिका लुम्विनी प्रदेशको राजधानी क्षेत्रका रुपमा रहेको छ । यसकारणले गर्दा राजधानी रहेको गाउँपालिकाको प्रमुख यसको नेतृत् वगर्न सक्ने हुनुपर्छ । दाङमा राजधानी ल्याउनका लागि पहल गर्ने नेकपा एमाले थियो भन्ने कुरा दुनियालाई थाहा छ । अव म नेकपा एमालेमा रहेर राप्ती गाउँपालिकालाई राजधानी क्षेत्रका रुपमा समृद्ध रुपमा अघि बढाउन चाहन्छौं । हाम्रो पहिलो प्राथमिकता हो । हामी सुन्दर राप्ती गाउँपालिकालाई सबै क्षेत्रमा समृद्ध बनाउन चाहन्छौं । आधारभुत सेवा सुविधाको सहज वितरण र सेवा प्रदान गर्दै समृद्ध राप्तीको योजना निर्माण गरेर कार्यान्वयनमा लग्ने योजना बनाएका छौं । लुम्बिनी प्रदेशको स्थायी राजधानी तोकिएको क्षेत्र भएकाले पनि यस पालिकामा सञ्चालन हुने योजना महत्वपूर्ण र उपलब्धी मुलक हुने छन् । लुम्बिनी प्रदेश पूर्वाधार विकास प्राधिकरणले सम्पन्न गरेको गुरुयोजनालाई आधार मानेर हामीले पालिका तहबाट त्यस अनुरुप पालिका तहबाट सञ्चालन गरिने योजनाहरु अघि सार्ने छौं ।

राप्तीमा के कस्ता समस्याहरु रहेका छन् ?
हाम्रो के दावी छ भने विगतमा राप्तीमा हुनुपर्ने जति विकास भएन । राप्ती सम्भावना भएको पालिका हो तर अव हाम्रो दावी के छ भने राप्ती गाउँपालिकाबासीले विगतका जस्ता समस्या भोग्नुपर्ने छैन् । पालिकाले प्रदान गर्ने सेवा सुविधा चुस्त र छिटो छरीताको साथै आवश्यकतामा आधारित योजनाहरु तर्जुमा गर्ने कुरा पहिलो आवश्यकता हो । हामीले यसपालीको निर्वाचनको सोच जनताको आर्थिक सवलताका लागि योजना वद्ध पुर्वाधार निर्माण÷उत्पादकत्वमा बृद्धि तथा सुशासन युक्त संस्थागत विकास गर्दै स्वीकृत गुरु योजना बमोजिमको नमुना प्रदेश राजधानी निर्माण गरी प्रभावकारी सेवा संचालन गराइ सुन्दर शहर स्थापनाको गर्नेछौं ।

निर्वाचनमा मुख्य मुद्दाहरु के छन ?
राजधानी क्षेत्रको गुरु योजना बमोजिमको प्रदेश राजधानी निर्माण गरी नागरिक सेवा संचालन गर्नुपर्ने हाम्रो पहिलो मुद्दा रहेको छ । अव राजधानी क्षेत्रको पूर्वाधार विकासका लागि काम गर्नुपर्नेछ । अर्को कुरा राप्ती गाउँपालिकाका सम्पुर्ण गरिखाने बर्गका लागि आर्थिक सामाजिक सवलताका लागि स्वरोजगार र उद्यमसिलताका कार्यक्रम संचालन गर्नुपर्नेछ । गाउँपालिकास्तरवाट प्रवाह हुने सेवा र नागरिक सहभागितालाई जनमैत्री तथा प्रविधियुक्त बनाइ सुशासन र पारदर्शिता कायम गरी स्थानीय सरकारले जनतामा सरकारको अनुभुति प्रदान गराउने योजना हाम्रो छ । पालिकाका लागि विनियोजन गरिने बजेटमध्य ३५% आर्थिक विकास, ३०% पुर्वाधार विकास, २०% सामाजिक विकास र १५% बजेट संस्थागत सुशासन र विकासमा बजेट बिनियोजन गर्ने नीतिका साथ अघि बढ्नेछौं ।

निर्वाचनको सन्दर्भमा धेरै आश्वासनहरु आउँछन् कार्यान्वयन होला त ?
राप्तीको आर्थिक विकासको लागि ‘जनताको आर्थिक सवलता राप्ति गाउँपालिको अव्वलता’ भन्ने मुल नारा तय गरेका छौं । हामीले जे जस्ता योजना अघि सारेका छौं यि योजना कार्यान्वयन हुन नसक्ने खालका छैनन् । हामीले आश्वासन दिने मात्रै गर्दैनौ पुरा हुने कुरा गर्दछौं । हामीले स्वास्थ्य सेवाको सुधारको कुरा गरेका छौं । पालिकालाई तरकारी, माछामासु, दुध र फलफुल उत्पादन बृद्धिकालागि एक वडा एक पकेट क्षेत्र निर्धारण गरी किसानसँग कृषि प्राविधिक कार्यक्रम लागु गराइ उत्पादनमा अनुदान कार्यक्रम संचालन गर्ने योजना बनाएका छौं यो कसरी आश्वासन मात्रै भयो । हामीले आश्वासन होइन यथार्थ कुराहरु राखेका छौं ।

तपाईका एजेण्डा त धेरै राख्नुभएको छ कार्यान्वयनमा आउछन् त ?
मैले अघि सारेका कुराहरु मध्य धेरै कुराहरु छुटेका पनि छन् । हामीले चुनावी घोषणा पत्रमा धेरै बिषयहरु समेटेका छौं । यि बिषयहरु समेट्नको लागी मात्रै समेटिएको होइन, हामीले समेटेका बिषयहरु स्थानीय सरकारले कार्यान्वयन गर्न सक्ने बिषयहरु छन् । हामीले हाम्रो पालिकालाई सुन्दर बनाउनको लागि विनिन्न योजना बनाएका छौं । गर्न नसकिने भन्ने कुरानै छैन् । हामीले कार्यान्वयन गरेर देखाउछौं । त्यसकारणले हामीले यो बिषयहरुलाई प्राथमिकताका साथ समेटेका हौं । हामीले राखेका एजेण्डाहरु बस्तुनिष्ठ रहेका छन् । सत्यमा आधारित छन । धेरै छलफल गरेर अघि बढाएका छौं ।

तपाइले चुनाव जित्ने आधार के ?
हामीले निर्वाचन जितिसकेको आभाष भएको छ । नेकपा एमालेले विगतमा गरेका काम र आगामी दिनमा गर्ने योजनाहरु नै हामीले चुनाव जित्ने आधारहरु हुन् । अर्को कुरा हामीले जनतालाई विश्वास गरेका छौं । जुन विश्वास हामीले प्राप्त गर्दैछौं । लुम्बिनी प्रदेशको स्थायी राजधानी जसरी यहाँ आईपुगेका छ । यो राजधानीलाई व्यवस्थापन गर्ने जिम्मेवारी हामीहरुले लिन चाहन्छौं । सुन्दर राप्ती गाउँपालिका बनाउने चाहनाका साथ हामीले घोषणापत्र तयार पारेका छौं । सबै हिसावले मतदाताको विश्वासनै हाम्रो चुनाव जीत्ने आधार हो ।

अन्त्यमा के भन्नुहुुन्छ ?
राप्ती गाउँपालिका भनेको साविक राप्तीको द्वारका रुपमा रहेको छ । यहाँको विकासले अन्य क्षेत्रको विकासको नेतृत् वगर्न सक्छ । अर्को कुरा राप्ती राजधानी क्षेत्र हो । राजधानी क्षेत्रका रुपमा रहेको राप्ती गाउँपालिकाको समग्र विकासका लागि हामी काम गर्न चाहन्छौं । यसमा जनताको पनि साथ रहेको छ । निर्वाचनको सन्दर्भमा मात्रै होइन हामी जहिले पनि जनताको बीचमा थियौं । जनता बैशाख ३० गते कहिले आउला र नेकपा एमालेलाई जिताउन पाइएला भनेर आतुर हुुनुहुन्छ । जनताको विश्वासको जगमा हामी अघि बढीरहेका छौं । जनतालाई निरास हुन दिने छैनौं ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img