spot_img
spot_img

गुरुकुलले कक्षा १ र ११ मात्र भर्ना लिने

राप्ती पोष्ट

दाङ, चैत । शैक्षिक गुणस्तरमा जोड दिदै आएको घोराही–१५ रतनपुर स्थित गुरुकुल एकेडेमीले कक्षा १ र ११ मा मात्र नयाँ भर्ना लिने भएको छ ।

विद्यालयले शनिवार पत्रकार सम्मेनल गर्दै गुरुकुल एकेडेमीले आगामी शैक्षिक सत्रदेखि कक्षा १ र ११ मा भर्ना लिने जानकारी दिएको छ । स्थापनाकालदेखि नै संख्यात्मक भन्दा शैक्षिक गुणस्तरमा जोड दिदै आएको विद्यालयले कक्षा १ मा २४ जना विद्यार्थी संख्या र कक्षा ११ को विज्ञान र व्यवस्थापन संकायमा ८०÷८० जना विद्यार्थी सिट संख्यामा नयाँ भर्ना खोलिने विद्यालयका सहायक प्रधानाध्यापक मुकुन्द गिरीले जानकारी दिनुभयो ।र

उहाँका अनुसार कक्षा दुई देखि ९ कक्षासम्मको हकमा भने दुई÷दुई जनाको सिट संख्यामा नयाँ भर्ना खोलिनेछ । विद्यालयमा कक्षा २ देखि ९ सम्मका सबै कक्षाका सिट खाली नभएकाले उत्कृष्ट अंक ल्याउने दुई जना विद्यार्थीलाई मात्र नयाँ भर्ना दिने उहाँले बताउनुभयो । ‘धेरै विद्यार्थी भर्ना गरेर संख्या बढाउने भन्दा पनि गुणस्तरीय शिक्षा जोड दिनुपर्छ भन्ने सोचले नयाँ भर्ना रोकेका छौं’ उहाँले भन्नुभयो ।

पत्रकार सम्मेलनमा नेपाल पत्रकार महांघ दाङका अध्यक्ष दुर्गालाल केसीले विद्यालयहरुले विद्यार्थी संख्या बढाउने होडबाजी भन्दा शैक्षिक गुणस्तर वृद्धिमा ध्यान दिनुपर्ने बताउनुभयो । ‘धेरै विद्यालयहरु विद्यार्थी संख्या बढाउन तर्फ लागेको देखिन्छ’ उहाँले भन्नुभयो, ‘त्यसले गुणात्मक वृद्धि त होला तर गुणस्तरीय शिक्षा प्रदान गर्न सकिदैन ।’

विद्यायलका प्लस टु कोर्डिनेटर निमानन्द गैरेले यसले विद्यार्थी संख्या बढाउने प्रणालीको अन्त्य गर्दै शैक्षिक गुणस्तरमा भूमिका खेल्ने विश्वास व्यक्त गर्नुभयो । विद्यालयले आगामी शैक्षिक सत्रका लागि कक्षा एकको भर्नाको लागि फारम चैत १५ गतेदेखि खुला गरिने तथा प्रवेश परीक्षा वैशाख १० गते हुने जानकारी पनि गैरेले दिनुभयो । विद्यालयका सहायक प्रधानाध्यापक मुकुन्द गिरीको अध्यक्षतामा कार्यक्रम भएको थियो

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img