spot_img
spot_img

एमाले दाङको नेतृत्वद्वारा पदभार ग्रहण

दाङ, माघ । नेकपा एमाले दाङको नयाँ नेतृत्वले पदभार ग्रहण गरेको छ । पुस २३ मा सुरु भइ २४ गतेका दिन सर्वसम्मत रुपमा चयन भएको नेतृत्वले बुधबार मात्रै पदभार ग्रहण गरेको हो ।

अधिवेशनबाट हुकुमबहादुर बस्नेतको अध्यक्षतामा एक सय २१ सदस्यीय जिल्ला कमिटी निर्वाचित भएको थियो । नेकपा एमाले दाङ इन्चार्ज नरुलाल चौधरीले पार्टी अध्यक्ष बस्नेतलाई पदभार गराउनुभएको थियो । यस्तै पार्टी अध्यक्ष बस्नेतले उपाध्यक्ष राममणि पाण्डे, सचिव मनोहर बुढाथोकी, उपसचिव कृष्ण प्रसाद भुषाल र हिरादेवी पुनलाई पदभार गराउनुभएको थियो ।

जिल्ला इञ्चार्ज नरुलाल चौधरी र सह इञ्चार्ज शान्ता चौधरीका साथमा नव निर्वाचित पदाधिकारीहरु

पदभारसँगै अध्यक्ष बस्नेतले माघ १६ गते जिल्ला कमिटीको प्रथम बैठक बोलाउने निर्णयमा हस्ताक्षर गर्नुभएको थियो । यो हस्ताक्षरसँगै एमाले दाङको प्रथम बैठक सहिद दिवसको दिन माघ १६ मा बस्ने भएको छ ।

पदभार कार्यक्रममा सांसद तथा पार्टीका पोलिटव्यूरो सदस्य शान्ता चौधरी, केन्द्रिय लेखा आयोगका सदस्य रेवतीरमरण शर्मा, पार्टीको प्रदेश कमिटीका सदस्य तथा जिल्ला कमिटीका सदस्यहरुको सहभागिता थियो ।

नयाँ नेतृत्व चयन पछि केही पदाधिकारीमा कोरोनाको संक्रमण देखिएपछि पदभार ग्रहणको कार्यक्रम केही ढीलो भएको सचिव बुढाथोकीले बताउनुभयो । उहाँले अव पदाधिकारी बैठक बसेर जिल्ला कमिटीको बैठकका एजेण्डा तय गर्ने र त्यसपछि बाँकी कामहरु अघि बढाउने योजना रहेको जानकारी दिनुभयो ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img