spot_img
spot_img

लायन्स 325 N को प्रथम क्याविनेट बैठक भव्यताका साथ सम्पन्न

राप्ती पोष्ट

घोराही, २१ साउन । लायन्स क्लव इन्टरनेशनल डिष्ट्रिक २३५ एन को प्रथम क्याविनेट बैठक घोराही १० मा रहेको दाङ फन भ्यालीमा शनिबार सम्पन्न भयो । लायन्स क्लव इन्टरनेशनल डिष्ट्रिक २३५ एन का गभर्नर मुकुट ढकालको अध्यक्षतामा भएको क्याविनेट बैठक र पदभार ग्रहण कार्यक्रमको उद्घाटन लायन्स क्लवका अन्तराष्र्टिय निर्देशक बालकृष्ण बुर्लाकोटीले गर्नुभएको थियो ।

नेपालमा रहेका १५ वटा डिष्ट्रिक मध्य सवैभन्दा ठूलो भुगोल र सदस्य संख्या रहेको डिष्ट्रिकका रुपमा लायन्स क्लव इन्टरनेशनल डिष्ट्रिक २३५ एन रहेको छ । यस डिष्ट्रिकमा पाँचवटा एरिया रहेका छन् । जसमा काठमाडौं क्षेत्रमा रहेका क्लवहरु एरिया नं. १ मा दाङ र राप्ती क्षेत्रमा रहेका क्लवहरु एरिया नं. २ मा, सुर्खेत र कर्णालीमा रहेका क्लवहरु एरिया नं. ३ मा, बाँके बर्दियामा रहेका क्लवहरु एरिया नं. ४ र सुदुरपश्चिमका जिल्लाहरुमा रहेका लायन्स क्लवहरु एरिया नं. ५ अन्तरगत रहेका छन् ।

सवै एरियाका गरेर सात सय भन्दा बढी लायन्स लिडरहरु कार्यक्रममा सहभागि थिए । कार्यक्रममा बोल्दै अन्तराष्र्टि«य निर्देशक बुर्लाकोटीले नेपाल देशको नामको पहिलो अक्षर एन बाट रहेको लायन्स क्लव इन्टरनेशनल डिष्ट्रिक २३५ एनलाई अन्तराष्र्टि«यसंग जोड्नका लागि आफूले भूमिका खेल्ने बताउनुभयो । उहाँले नेपालमा लायन्सका माध्यमबाट अनेकौं परियोजनाहरु संचालन गरिएको बताउँदै आगामी दिनमा पनि यस्ता परियोजना संचालनका लागि आफूले सहयोग गर्ने बताउनुभयो ।

सोही अवसरमा पूर्व अन्तराष्ट्र्रिय निर्देशक संजय खेतानले लायनहरुले खेल्नुपर्ने भूमिका बारेमा जानकारी गराउँदै नेपालमा लायन्सको उपस्थिति संसारका लागि उदाहरणिय रहेको बताउनुभयो । उहाँले विश्वभर संगठन रहेको लायन्समा लागेर सेवाका काम गर्नुपर्ने बताउनुभयो । खेतानले आफूले दक्षिण एसियामा काम गर्ने गरी जिम्मेवारी पाएको बताउँदै दक्षिण एसियामै नेपाललाई उत्कृष्ठ नतिजा दिने बताउने ध्यान आफ्नो रहेको बताउनुभयो ।

कार्यक्रममा जिल्ला समन्वय समितिका प्रमुख नित्यान्द शर्मा, तुलसीपुर उपमहानगरपालिकाका प्रमुख टिकाराम खड्का, घोराही उपमहानगरपालिकाका उप प्रमुख हुमा डिसी, प्रमुख जिल्ला अधिकारी सुशिल बैद्य, लायन्स क्लव इन्टरनेशनलका मल्टिपल चियरप्रसन सिवि चन्द, प्रथम भाइस डिष्ट्रिक गभर्नर विनोद श्रेष्ठ, द्वितिय भाइस डिष्ट्रिक गभर्नर ज्ञानेन्द्र श्रेष्ठ लगायतले बोल्नुभएको थियो ।
उक्त अवसरमा क्याविनेट अफिसरहरुलाई पदस्थापना गराइएको थियो । यस्तै लायन्स क्लव इन्टरनेशनबाट सहयोग लिएर बनाइएको राप्ती आँखा अस्पतालको परियोजना उद्घाटन गरिएको थियो । परियोजनामा सहयोग गर्नेहरुलाई सम्मान गरिएको थियो । यस्तै अन्य केही स्थानमा परियोजना घोषणा गरिएको थियो ।

क्याविनेट बैठकका अवसरमा दुई लाख रुपैया दिएर डिष्ट्रिक ट्रष्टीलाई सहयोग गर्नेहरु, एक लाख रुपैया दिएर ट्रष्टिमा सहयोग गर्नेहरुलाई सम्मान गरिएको थियो । यस्तै यस बर्ष लायन्स क्लव इन्टरनेशनल डिष्ट्रिक २३५ एनमा थप एक हजार सदस्य थप्ने योजनाको पनि उद्घाटन गरिएको थियो । यसका साथै लायन्स क्लव इन्टरनेशनल डिष्ट्रिक २३५ एनमा थप २७ वटा क्लव खोल्ने घोषणा गरिएको थियो । कार्यक्रममा डिष्ट्रिक सेक्रेटरी उमा थापा मगरले आगामी दिनमा गर्ने कार्ययोजना र कोषाध्यक्ष तेजप्रसाद अधिकारीले आर्थिक विवरण प्रस्तुत गर्नुभएको थियो ।

सोही क्याविनेट बैठकमा आगामी दोस्रो क्याविनेटको घोेषणा गरिएको थियो । आगामी क्याविनेट सुर्खेतमा गर्ने घोषणा गरिएको थियो । लायन्स क्लवले हरेक बर्ष चारवटा क्याविनेट बैठक आयोजना गरेर विगतमा गरेका कामको समीक्षा गर्ने र आगामी दिनमा गर्ने कार्यक्रमको योजना बनाउने गरेको छ ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img