राप्ती पोष्ट
घोराही, १३ साउन । समाजसेवाको क्षेत्रमा अव्वल संस्थाका रुपमा रहेको लायन्स क्लव इन्टरनेशनल ३२५ एन को पहिलो क्याविनेट बैठक दाङमा हुने भएको छ । नेपालमा रहेका १५ वटा डिष्ट्रिकमध्य सवैभन्दा ठूलो डिष्ट्रिकका रुपमा रहेको एन ले पहिलो क्याविनेट दाङमा गर्न थालेपछि तयारी तिव्र पारिएको छ । आगामी साउन २० गतेका दिन क्याविनेट बैठक दाङमा हुँदैछ ।
सोही क्रममा लायन्स क्लव इन्टरनेशनल ३२५ एन अन्तरगत एरिया २ ले पत्रकार सम्मेलन गरेर क्याविनेट बैठकको तयारीका बारेमा जानकारी गराएको थियो । प्रचार प्रसार उप समितिका संयोजक शरद अधिकारीको अध्यक्षतामा भएको पत्रकार सम्मेलनमा डिष्ट्रिक एक्जुकेटिभ चिफ लव अधिकारीले क्याविनेट बैठकका बारेमा जानकारी दिनुभएको थियो ।
करिव एक हजार जनाको सहभागिता रहने क्याविनेट घोराही १० मा रहेको दाङ फन भ्यालीमा आयोजना गरिनेछ । यस्तै उक्त क्याविनेटमा लायन्स क्लव इन्टरनेशनलका डाइरेक्टर बालकृष्ण बुर्लाकोटी आउनुहुने भएको छ । आयोजक मुल समितिका संयोजक समेत रहनुभएका लव अधिकारीले दाङ जिल्लाको पर्यटन प्रवद्र्धन समेत गराउने उद्देश्यले क्याविनेट बैठक दाङमा राखिएको बताउनुभयो ।
पत्रकार सम्मेलनमा नेपाल पत्रकार महासंघ दाङका अध्यक्ष दुर्गाालाल केसी, एरिया चिफ डा. भिमसेन गिरी, डिष्ट्रिक को एक्जुकेटिभ चिफ युवराज थपलिया लगायतले बोल्नुभएको थियो । पत्रकार सम्मेलनको संचालन प्रचार प्रसार समितिका सदस्य आर के शितलले गर्नुभएको थियो ।
लायन्स क्लव ३२५ एनको पहिलो क्याविनेट बैठक सफल पार्नका लागि विभिन्न २५ वटा उप समितिहरु गठन गरिएको छ । यस्तै गभर्नर मुकुट ढकाल, प्रथम डिष्ट्रिक गभर्नर विनोद कुमार श्रेष्ठ, द्वितिय डिष्ट्रिय गभर्नर ज्ञानेन्द्र श्रेष्ठ लगायत रहेको सल्लाहकार समिति चयन गरिएको छ । मुल आयोजक समितिका संयोजकमा लव अधिकारी, सह संयोजकद्वय युवराज थपलिया र धुर्व गौतम, सचिवालय संयोजकमा एरिया नं. २ का चिफ डा. भिमसेन गिरी, सचिव भरतराज देवकोटा र कोषाध्यक्ष रेशम गिरी हुनुहुुन्छ । लायन्स क्लवले हरेक बर्ष चारवटा क्याविनेट बैठक गरेर विगतको समिक्षा र आगामी कार्ययोजना तयार गर्ने गर्दछ ।
