spot_img
spot_img

सोलार पाएपछि कुइजाबासीमा खुसीयाली

राप्ती पोष्ट

घोराही, माघ । विद्युत नपुगेको बंगलाचुली गाउँपालिकाको विकट वडाका रुपमा रहेको वडा नं. ३ को कुइजामा सोलार वितरण गरिएको छ । बर्षौदेखि अन्धकारमा बस्न बाध्य स्थानीयको बाध्यतालाई मध्यनजर गर्दै सोलार वितरण गरिएको थियो । गाउँपालिकाले दुई लाख ५० हजार रुपैयाको लगानीमा सोलार वितरण गरेको हो ।

वडा नब्ं. ३ का अध्यक्ष शोभाराज विश्वकर्माका अनुसार हालसम्म विद्युत नपुगेको र विद्युत पु¥याउनका लागि निकै गाह्रो रहेको छ । उहाँका अनुसार कुइजा गाउँमा रहेका १८ घर परिवारलाई सोलार वितरण गरिएको हो । सोलार पाएपछि गाउँलेहरु निकै खुसी भएका छन् ।

घोराहीमा रहेकको न्यू ज्योति इनर्जी टे«डर्सका प्रोपाइटर भरतमणि अधिकारीले सोलार जडान गर्नुभएको हो । तारबाट विद्युत पु¥याउन नसकिने स्थानमा सोलार जोडेर बत्ती बाल्न सकिने भएकाले विकट क्षेत्रमा सोलारको माग बढीरहेको पनि अधिकारीले बताउनुभयो । अधिकारीले दुईबर्षसम्म सोलारमा कुनै समस्या आएमा न्यू ज्योति इनर्जी टे«डर्सका तर्फबाट निशुल्क मर्मत गरिदिने पनि बताउनुभयो ।

हालै गाउँमा कार्यक्रम आयोजना गरेर स्थानीयलाई सोलार वितरण गरिएको थियो । सोलार वितरण गर्दा सोलार जोड्ने, सोलारको ब्याट्रीलाई रेखदेख गर्ने तरिकाका बारेमा पनि जानकारी गराइएको अधिकारीले बताउनुभयो । कुनै समस्या आएमा तत्काल खवर गर्नका लागि पनि भनिएको उहाँले बताउनुभयो ।

बंगलाचुली गाउँपालिकाका अन्य विभिन्न गाउँमा पनि सोलार वितरण गर्ने योजना रहेको वडाध्यक्ष विश्वकर्माले बताउनुभयो । आफू अघिल्लो पटक निर्वाचित हुँदा नै विद्युतको व्यवस्थागर्नका लागि प्रतिवद्धता गरेको भएपनि यो कार्यकालमा मात्रै सोलार जडान गर्न सकिएको अध्यक्ष विश्वकर्माले बताउनुभयो ।

वडा नं. ३ मा जम्मा सात सय ६९ घरधुरी रहेका छन् । वडाभर तीन हजार पाँच सय ३६ जनसंख्या रहेको छ । यसैगरी वडामा एक हजार पाँच सय सात पुरुष र दुई हजार २९ जना महिला रहेका छन् । लामोसमयदेखि विद्युत प्रयोग गर्न नपाएका स्थानीयले सोलारको प्रयोग गरेर विद्युत बाल्ने, मोवाइल चार्ज गर्ने लगायतका काम गर्न सक्नेछन् । १८ घरधुरीमा सोलार जडान गर्दा एक सय भन्दा बढी लाभान्वित भएका छन् ।

वडाध्यक्ष विश्वकर्माले आफूले निर्वाचनको समयमा गरेको प्रतिवद्धता अनुसार पानीको व्यवस्था गर्नका लागि योजना बनाइरहेको बताउनुभयो । उहाँका अनुसार विद्युत नपुगेका स्थानमा विद्युत पु¥याउने, विद्युत पुग्न नसक्ने स्थानमा सोलार बत्ती जडान गर्ने योजना रहेको बताउनुभयो ।

यसैगरी नलेनी खानेपानीको मुल संरक्षण गर्ने, खारखोला देखि ढाडटोल हुँदै दाङबाङ जोड्ने मोटरबाटो निर्माण, भजुनी खानेपानी मुल संरक्षण, दपचौर खानेपानी योजनाका लागि पाइप खरिद गर्ने, मानव कल्याण विद्यालयको फिल्ड निर्माण तथा मर्मत गर्ने र ढवेर कात्तिके खानेपानीको मुल संरक्षण गर्ने जस्ता योजना वडाको विकासका लागि राखिएको पनि अध्यक्ष विश्वकर्माले बताउनुभयो ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img