अध्यक्षमा विपीन र महासचिवमा मुकेश
राप्ती पोष्ट
घोराही, १५ असार । चेम्वर अफ् कमर्श घोराहीमा पद हस्तान्तरण गरिएको छ । गत जेठमा भएको अधिवेशनबाट निर्वाचित कार्यसमितिलाई आइतबार पद हस्तान्तरण गरिएको हो । चेम्वर अफ् कमर्श घोराहीका कार्यवाहक अध्यक्ष विमल श्रेष्ठको अध्यक्षतामा भएको कार्यक्रमको उद्घाटन लुम्विनी प्रदेशका यातायात तथा उद्योग मन्त्री प्रचण्ड विक्रम न्यौपानेले गर्नुभएको थियो ।
व्यावसायिक हक हितका लागि कार्यरत चेम्वर घोराहीको अध्यक्ष विपिन श्रेष्ठ निर्वाचित हुनुभएको छ । कार्यक्रममा बोल्नेहरुले घोराहीको व्यापार व्यवसायको गिर्दाे अवस्थालाई उकास्नका लागि भूमिका खेल्नका लागि चेम्वरको कार्यसमितिलाई आग्रह गरेका थिए ।
उक्त अवसरमा बोल्दै मन्त्री न्यौपानेले दाङ जिल्लाको आर्थिक विकासका लागि व्यावसायिक संस्थाले भूमिका खेल्नुपर्ने भन्दै प्रदेश सरकार सहकार्यका लागि तयार रहेको धारणा राख्नुभयो । उहाँले घोराहीको व्यापार व्यवसाय बृद्धिका लागि सडक विस्तारका योजना र पर्यटन प्रवद्र्धनका काम गर्नका लागि प्रदेश सरकार तयार रहेको बताउनुभयो । उहाँले नीजि क्षेत्रसंग सहकार्य गरेर काम गर्नका लागि प्रदेश सरकारले विभिन्न योजना ल्याएको पनि सुनाउनुभयो ।
उक्त अवसरमा चेम्वर अफ् कमर्शका लुम्विनी प्रदेश अध्यक्ष टंक प्रसाद पोखरेल, केन्द्रिय सदस्य टोपबहादुर घर्ती, प्रदेश उपाध्यक्ष श्रीधर महरा, समाजसेवी विमला योगी, नेपाल पत्रकार महासंघका केन्द्रिय सचिव सविन प्रियासन, चेम्वर अफ् कमर्श घोराहीका संस्थापक अध्यक्ष मञ्जु बज्राचार्य, घोराही १८ का अध्यक्ष भरतमणि अर्याल, चेम्वर तुलसीपुरका अध्यक्ष ऋषि भण्डारी, दाङ जिल्ला उद्योग बाणिज्य संघका कार्यवाहक अध्यक्ष माधव खनाल, त्रिभुवननगर जेसिजका अध्यक्ष मिनराज भाट, दाङ जिल्ला क्रिकेट संघका अध्यक्ष प्रदीप मजगैंयाले बोल्नुभएको थियो ।
कार्यक्रममा बोल्नेहरुले व्यवसायीहरु निकै समस्यामा रहेको यो समयमा व्यावसायिक संस्थाले व्यापारिक हितका लागि कार्यक्रमहरु संचालन गर्नुपर्ने बताएका थिए । घोराहीबाट प्यूठान जोड्ने सडक, घोराहीबाट रोल्पा जोड्ने सडक, कोइलाबास नाका खोल्नुपर्ने, दाङमा एयरपोर्ट संचालनमा आउनुपर्ने र औद्योगिक क्षेत्र स्थापनाका लागि पहल गर्नुपर्ने धारणा राखेका थिए ।
रजनी श्रेष्ठको स्वागत मन्तव्यबाट सुरु भएको कार्यक्रमको संचालन निवर्तमान महासचिव रजिव उल्ला खान र नव निर्वाचित महासचिव मुकेश्वर शर्माले गर्नुभएको थियो । २०७५ सालमा स्थापित चेम्वर अफ् कमर्शले विभिन्न व्यावसायिक कार्य गर्दै आएको छ । आगामी दिनमा सामाजिक सेवा र व्यावसायिक हक हितमा काम गर्ने नव निर्वाचित अध्यक्ष विपिन श्रेष्ठले बताउनुभयो । उहाँले व्यवसायीहरुको क्षमता अभिबृद्धिका लागि काम गर्ने गरी योजना सुनाउनुभएको थियो ।
उक्त अवसरमा निर्वाचन अधिकृत प्रदीप गौतमले नव निर्वाचित कार्यसमितिको नाम बाचन गर्नुभएको थियो । कार्यक्रममा लुम्विनी प्रदेशका मन्त्री न्यौपानेले नव निर्वाचित कार्यसमितिलाई पद तथा गोपनियताको सपथ ग्रहण गराउनुभएको थियो । नव निर्वाचित कार्यसमितिलाई प्रमाण पत्र पनि वितरण गरिएको थियो । तीन बर्षका लागि नयाँ कार्यसमिति चयन गरिएको हो । दाङमा चेम्वर अफ् कमर्श जिल्ला कार्यसमिति, चेम्वर लमही, भालुवाङ, घोराही र तुलसीपुर कमिटी कार्यरत रहेका छन् । चेम्वर अफ् कमर्श नेपालमै व्यावसायिक क्षेत्रमा पहिलो संस्थाका रुपमा मानिन्छ ।
