spot_img
spot_img

राष्ट्रपति एमालेबाटै हुने गुरुङको दावी

राप्ती पोष्ट

दाङ, माघ । नेकपा एमाले पोलिटब्युरो सदस्य तथा पूर्व सूचना संचार मन्त्री पार्वत गुरुङले नेकपा एमालेबाट उम्मेदवारी दिने व्यक्ति नै अवको राष्ट्रपति हुने ठोकुवा गर्नुभएको छ । देउखुरीको लमहीमा प्रेस चौतारी दाङले आइतबार विहान आयोजना गरेको पत्रकार सम्मेलनमा गुरुङले यस्तो दावी गर्नुभएको हो । उहाँले सत्तारूढ दलको बीचमा भएको सहमति भन्दा बाहिरबाट कांग्रेस वा त्यो भन्दला बाहिरबाट राष्ट्रपति चुनिने विषय हल्ला मात्रै भएको बताउनुभयो ।

‘गुरूङ्गले कांग्रेसले एमाले र माओवादीको बीचमा अविश्वास सृजना गर्नको लागि चलाएको हल्ला मात्रै भएको टिप्पणी गर्नुभयो । उहाँले भन्नुभयो, एमाले भन्दा बाहिरबाट आउने व्यक्ति राष्ट्रपति हुँदैन’, ‘कांग्रेसको खेल केही दिनमा आफैँ सकिन्छ । उहाँले भन्नुभयो ।

राष्ट्रपतिमा कसलाई पठाउने भन्ने विषयको टुंगो पार्टी भित्र हुने बैठकबाट टुंगो लाग्ने उहाँको भनाइ थियो ‘राष्ट्रपति एमालेकै हुन्छ। तर कसलाई पठाउने भन्ने निर्णय छलफलबाट टुंगिन्छ । जनताको छोरा या छोरी राष्ट्रपति हुन्छन् । जसले पनि यो अवसर पाउन सक्छ। त्यसको निर्णय एमालेले गर्छ’, नेता गुरुङले भन्नुभयो ।

उहाँले राष्ट्रपतिको गरिमा वर्तमान राष्ट्रपति विद्यादेवी भण्डारी बढाएको चर्चा गर्नुभयो । ‘अघिल्लो सेरेमोनियल राष्ट्रपति भन्थे । काम छैन भन्ने जस्तो कुरा चल्थ्यो । अहिले राष्ट्रपतिको पदलाई लिएर धेरै चर्चा र गरिमाको कुराहरू हुन थाल्यो’, उनले भने, ‘राष्ट्रपतिको गरिमा बढाउने काम विद्यादेवी भण्डारीले गर्नु भयो । त्यसैले गर्दा राष्ट्रपति को बन्ने भन्ने विषयले प्राथमिकता पायो ।’

कांग्रेसको नेतृत्वमा रहेको गठबन्धन भत्काएर एमाले अध्यक्ष केपी शर्मा ओलीले देशलाई सही दिशामा अघि बढाएको जिकिरसमेत नेता गुरुङले गर्नुभयो । गठबन्धन भत्काएर मुलुकलाई स्थिरतातर्फ लग्ने काम भएको छ। यसलाई निरन्तरा दिनु नै आजको आवश्यकता हो’, उहाँले भन्नुभयो, ‘नयाँ सरकार बनेदेखि मुलुकले सह‍ी दिशा पाउन थाल्यो ।’

गुरुङले संसद प्रतिपक्षविहीन हुनु राम्रो संकेत नभएको बताउनुभयो । ‘संसद प्रतिपक्षविहीन हुनु राम्रो संकेत होइन’, ‘कांग्रेसको अपरिपक्क राजनीतिले मुलुकलाई गलत दिशातर्फ ढकेल्ने प्रयत्न हुन थाल्यो।’

चौतारी दाङका अध्यक्ष इन्द्र डिसीको अध्यक्षतामा भएको पत्रकार सम्मेलनमा एमाले केन्द्रिय लेखा आयोग सदस्य रेवतीरमण शर्मा, अनुशासन आयोग सदस्य सरस्वती गौतम, प्रदेश कमिटी सदस्य कुलबहादुर केसी र गंगाराम भट्टराई लगायतको उपस्थिति थियो।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img