घोराहीको विकासलाई बंगलाचुली पु¥याउने रानाको उद्घोष
राप्ती पोष्ट
घोराही, असोज । निर्वाचनको दिन नजिक आउँदै गर्दा राजनीतिक दलले गतिविधि तिव्र पारेका छन् । सोही क्रममा नेकपा एमालेले दाङ क्षेत्र नं. २ को (१) को कार्यालय स्थापना गरेको छ । घोराही उपमहानगरपालिकाको वडा नं. १८ मा कार्यालय स्थापना गरिएको छ ।
नेकपा एमालेका नेता तथा दाङ क्षेत्र नम्वर २ (१)का उमेदवार बलिभद्र रानाले कार्यालयको उद्घाटन गर्नुभएको थियो । कार्यालय उद्घाटनमा बोल्दै रानाले यस क्षेत्रको विकास र समृद्धिका लागि बंगलाचुली र घोराहीलाई सँगसँगै जोडेर लैजानु पर्ने बताउनु भयो । उहाँले बंगलाचुलीमा विकास पु¥याउनका लागि आफूले विगतदेखि नै भूमिका खेल्दै आएको दावी गर्दै प्रदेश सभामा पुगेर बंगलाचुली र समग्र प्रदेश सभा क्षेत्रको विकासका लागि यथासक्य प्रयास गर्ने बताउनुभयो ।
उहाँले आफू काममा विश्वास गर्ने मान्छे भएकाले पार्टीले विश्वास गरेर सर्वसम्मत रुपमा उमेदवार बनाएकाले आफूले सोही अनुसार काम गर्ने बताउनुभयो । ‘मलाई पार्टी कार्यकर्ताले सर्वसम्मत बनाउनुभयो अव आम मतदाताले साथ दिनुहुनेछ भन्ने विश्वास लिएको छु ।’ रानाले भन्नुभयो । उहाँले आफूले जितेर यस क्षेत्रको विकास र समृद्धिका लागि बंगलाचुली र घोराहीलाई सँगसँगै जोडेर लैजाने योजना बनाएको बताउनुभयो । रानाले थप्नुभयो, ‘बंगलाचुली घोराहीकै सिरानमा भएर पनि अहिलेसम्म विकटता झेलिरहेको छ । घोराहीका कतिपय वडाहरु अहिले पनि विकट छन्, बजार क्षेत्रलाई व्यवस्थित गर्न जरुरीछ, यी सबै कामलाई सही तरिकाले अगाडी बढाउनका लागि म उमेदवार भएको हुँ ।’
मुलुकलाई नै हाँक्न सक्ने नेता शंकर पोख्रेल यस क्षेत्रको संघीय उमेदवार भएकोमा सबैले गर्व महशुस गरिरहेको चर्चा गर्दै नेता रानाले एमालेको सरकार प्रदेश र केन्द्रमा बने अबको पाँच वर्षभित्र यो क्षेत्रको विकास र समृद्धिले तिब्ररुपमा गति लिने बताउनुभयो । बंगलाचुलीलाई सर्वसम्पन्न क्षेत्र, घोराहीलाई व्यवस्थित विकास आजको आवश्यकता भएको बताउँदै नेता रानाले एमालेलाई ढुक्क भएर मतदान गर्न सबैमा अनुरोध गर्नुभयो ।
लामो समयदेखि निर्माण क्षेत्रको नेतृत्व गर्नु भएका रानाले सामाजिक संघसंस्थाहरुको समेत नेतृत्व गरेर पहिले देखि नै यस क्षेत्रको विकास र समृद्धिका लागि नेतृत्वदायि भूमिका खेल्दै आउनु भएको छ । राजनीतिक बृत्तमा पनि उहाँले लोभलाग्दो तवरले काम गरेकै कारण पछिल्लो समयमा बंगलाचुली, घोराही क्षेत्रमा स्थानीय तहको निर्वाचनपछि हजार बढि नेता, कार्यकर्ता अन्य पार्टीबाट प्रवेश गरिसकेका छन् ।
