spot_img
spot_img

रोटरी क्लवको आयोजनामा ठूलो संख्यामा रक्तदान

राप्ती पोष्ट

कार्यक्रममा धारणा राख्दै राप्ती स्वास्थ्य विज्ञान प्रतिष्ठानका उपकुलपति डा. विकास लामिछाने

घोराही, भदौ । रोटरी क्लव अफ् दाङले आयोजना गरेको रक्तदान कार्यक्रममा ८१ जनाले सामूहिक रक्तदान गरेका छन् । घोराहीमा रगतको अभाव भइरहेको भन्ने समाचार आइरहेको अवस्थामा रगतको अभाव पूर्ति गर्नका लागि रोटरीले बृहत रक्तदान कार्यक्रम आयोजना गरेको थियो ।

रोटरी क्लव अफ् दाङका अध्यक्ष ओविन्द्र बहादुर महराको अध्यक्षतामा भएको कार्यक्रमको उद्घाटन राप्ती स्वास्थ्य विज्ञान प्रतिष्ठानका उपकुलपती डा. विकास लामिछानेले गर्नुभएको थियो । रक्तदान कार्यक्रम उद्घाटन गर्दै लामिछानेले रोटरीले स्वास्थ्यको क्षेत्रमा संसारभर काम गरेको बताउनुभयो । उहाँले रक्तदानको महत्व बुझाएर रक्तदानका लागि उत्प्रेरित गर्नुपर्ने बताउनुभयो । १८ बर्ष पुगेका र ४५ केजी पुगेका युवा युवतीले रक्तदान गर्न सक्ने भएकाले सो सम्वन्धी चेतना विस्तार गर्नुपर्ने बताउनुभयो ।

विश्वबाट पोलियो उन्मुलनको अभियानमा रोटरीको प्रमुख हात रहेको स्मरण गर्दै रक्तदानका क्षेत्रमा पनि रोटरीले काम गरिरहेको उहाँको धारणा थियो । घोराहीमा रहेको रक्त संचारका कारणले गर्दा अस्पतालमा अप्रेसन सम्भव भएको भन्दै चिकित्सा क्षेत्रलाई प्रभावकारी बनाउनका लागि रगत आवश्यक पर्ने पनि लामिछानेले बताउनुभयो । उहाँले रोटरीसंग सहकार्य गर्नका लागि प्रतिष्ठान तयार रहेको बताउनुभयो । ‘हामी प्रतिष्ठानका तर्फबाट के गर्न सक्छौं, तपाईहरु पनि के गर्न सक्नुहुन्छ, प्रस्ताव सहित आउनुभयो भने हामी सहकार्यका लागि तयार रहेका छौं ।’ लामिछानेले भन्नुभयो ।

कार्यक्रममा प्रेस काउन्सिल नेपालका सदस्य शरद अधिकारीले रक्तदानको महत्व बुझाउन सक्ने हो भने रक्तदाताको संख्या बढ्ने बताउनुभयो । उहाँले रगत नियमित रुपमा दान गर्दा त्यसबाट हुने फाइदाका बारेमा बुझाउन सक्नुपर्ने बताउनुभयो । अधिकारीले घोराहीमा रहेको रक्त संचार केन्द्रमाथि प्रतिष्ठानको यस अघिको नेतृत्वले खराव नियत राखेर हटाउन खोजेको भन्दै त्यस्तो नगर्न चेतावनी दिनुभयो ।

सामुहिक रक्तदान कार्यक्रममा युवा युवतीहरु गरेर कुल ८१ ज्नाले रक्तदान गरेको रोटरी क्लव अफ् दाङका प्रेस संयोजक केशरमान विसीले जानकारी दिनुभयो । रोटरी क्लवका सचिव डा. बोम विसीले संचालन गर्नुभएको कार्यक्रममा कार्यक्रम संयोजक डा. आशिष उप्रेतीले स्वागत मन्तव्य राख्नुभएको थियो ।

दुईजनालाई सम्मान

सोही अवसरमा रक्तदानको क्षेत्रमा महत्वपूर्ण योगदान पुराएका दुई युवालाई सम्मान गरिएको थियो । युवा नरेन्द्र पुन र प्रज्ज्वल शाहलाई सम्मान पत्र सहित सम्मान गरिएको थियो । घोराही क्षेत्रमा रगतको अभाव हुँदा रगत उपलव्ध गराउनका लागि सक्रिय रहेको भन्दै उहाँहरुलाई सम्मान गरिएको थियो ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img