spot_img
spot_img

सकियो दाङ उद्योग बाणिज्य संघको प्रदर्शनी

राप्ती पोष्ट

दाङ,  चैत । १४ दिन चलेर दाङ औद्योगिक, पर्यटन तथा कृषि प्रदर्शनी–२०७८ बुधबार सकिएको छ । दाङ जिल्ला उद्योग बाणिज्य संघको आयोजनामा गत फागुन २६ गतेबाट प्रदर्शनी थालिएको थियो ।

संघको आयोजनामा ‘उद्योग व्यापार कृषि एवं पर्यटनको विकास, परनिर्भर मुखी अर्थतन्त्रको निकास ।’ भन्ने नाराका साथ यही फागुन २६ गते देखि चैत ९ गतेसम्म घोराही उपमहानगरपालिका वडा नं १४ को झिंगौरामा भएको थियो । स्थानीय उत्पादनको बजारीकरण, कृषि पशुपालनको प्रवद्र्धन, पर्यटनलाई व्यवसायीकरण गदै आर्थिक विकासमा टेवा पु¥याउने राष्ट्रिय तथा अन्र्तराष्ट्रिय वजारमा यहाँको उत्पादित वस्तु पहिचान गराउने र स्थानीय भाषा, साहित्य कला, परम्परागत सिप, धार्मिक क्षेत्र एवं संस्कृतिको परिचय गराउदै संरक्षण एवं सम्वद्र्धन गर्ने उदेश्यले प्रदर्शनीको आयोजना गरिएको मुल आयोजक समितिका संयोजक टंकसिंह वुढाथोकीले जानकारी दिनुभयो ।

यस क्षेत्रमा स्थापित प्राकृतिक, सांस्कृतिक तथा धार्मिक पर्यटकीय स्थलहरुको प्रचार प्रसार गर्ने, दाङ जिल्लाको आर्थिक विकास पुर्वाधार विकास सक्रियता वढाउने, योजना निर्माणमा सहयोग पु¥याउने, स्थानीय उत्पादनलाई प्राथमिकता दिइ राष्ट्रिय अर्थ तन्त्रलाई टेवा पु¥याउनु पर्दछ भन्ने सन्देश प्रभाव गर्ने, दाङलाइ आगामी दिनमा औद्योगिक गन्तव्य स्थल वनाइ लगानी मैत्री वातावरण निर्माणको सन्र्दभमा सरोकारवालाहरुको ध्यानाकषर्ण गराउने लक्ष्य लिएको थियो ।

समापन कार्यक्रममा बोल्दै लुम्विनी प्रदेशका उर्जा, जलस्रोत तथा सिचाइ राज्यमन्त्री अर्जुनकुमार श्रेष्ठले प्रदर्शनीले यस क्षेत्रमा कृषि जन्य वस्तु बजारीकरणमा सहयोग पुगेको बताउनुभयो । उहाँले प्रदर्शनीले उद्यमीलाइ प्रोत्साहन गरेको विश्वास लिएको बताउनुभयो । विकासका कार्यलाइ अगाडि वढाउन निजी क्षेत्र संग संहकार्य गरेर अगाडि वढ्न आफुहरु तयार रहेको उहाँले बताउनुभयो ।

कार्यक्रममा संघका संस्थापक अध्यक्ष तोरणध्वज श्रेष्ठ, नेकपा एमालेका जिल्ला अध्यक्ष हुकुमवहादुर वस्नेत, नेपाली काँग्रेसका जिल्ला उप सभापती कमानसिंह भारती, राष्ट्रिय जनमोर्चाका जिल्ला अध्यक्ष गणेश आचार्य, राष्ट्रिय जनमोर्चा जिल्ला समन्वय समितिका लिलावहादुर पुन, कृषि विकास बैक लुम्विनी प्रदेश कार्यालयका प्रमुख गिरीराज रेग्मी, नेपाल पत्रकार महासंघ दाङ शाखा अध्यक्ष दुर्गालाल केसी, घरेलु तथा साना उद्योग कार्यालयका निमित प्रमुख उमबहादुर वली, घोराही उप महानगरपालिका वडा नं १४ का अध्यक्ष शक्तिराम डाँगी, तुलसीपुर उद्योग वाणिज्य संघका उपाध्यक्ष ललितजं शाह, नारायणपुर उद्योग वाणिज्य संघका अध्यक्ष अभियान वस्नेतले बोल्नुभएको थियो ।

संघका अध्यक्ष टंकसिंह वुढाथोकीको अध्यक्षतामा भएको थियो । संघका वरिष्ठ उपाध्यक्ष नरेश कार्कीको स्वागत मन्तव्याट सुरु भएको कार्यक्रममा सहभागिहरु लाइ धन्यवाद ज्ञापन वाणिज्य उपाध्यक्ष रामप्रसाद पोख्रेलले गर्नुभएको थियो । कार्यक्रमको सञ्चालन महासचिव महेन्द्र वुढाथोकीले गर्नुभएको थियो । कार्यक्रममा विभिन्न व्यक्ति तगा संस्थालाई पुरस्कार प्रदान गरिएको थियो ।

स्थापना दिवसको अवरमा रक्तदान

दाङ जिल्ला उद्योग वाणिज्य संघको स्थापना दिवसको अवसरमा रक्तदान गरिएको छ । संघको ५२ आंै स्थापना दिवसको अवसरमा रक्तदान गरिएको हो । प्रदर्शनीस्थल घोराही १४ झिगौरामा नै रक्तदान गरिएको हो । सो अवसरमा २१ जनाले रक्तदान गरेका थिए । रक्तदान कार्यक्रममा प्राविधिक सहयोग रेडक्रस सोसाइटी घोराहीले गरेको थियो । संघको स्थापना २०२७ साल चैत ९ गते भएको हो ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img