तीन प्रदेश प्रमुखले लिए शपथ

घोराही, १७ साउन । तीन प्रदेश प्रमुखले शपथ लिएका छन् । राष्ट्रपति रामचन्द्र पौडेलले बिहीबार तीन प्रदेश प्रमुखलाई पद तथा गोपनियताको शपथ गराएका हुन् ।

राष्ट्रपति निवास शितल निवासमा वाग्मती प्रदेशका प्रमुख दीपकप्रसाद देवकोटा, लुम्बिनी प्रदेशका प्रमुख कृष्णबहादुर घर्तीमगर र कर्णाली प्रदेशका प्रमुख यज्ञराज जोशीले पद तथा गोपनियताको शपथ लिनुभएको हो ।
मन्त्रिपरिषद्को साउन १४ मा बसेको बैठकले सिफारिस गरेअनुसार राष्ट्रपति पौडेलले बुधबार तीनै जनालाई प्रदेश प्रमुखमा नियुक्त गर्नुभएको थियो ।