spot_img
spot_img

अविरल बर्षादले कहाँ कहाँ क्षति पु¥यायो ।

राप्ती पोष्ट

दाङ, ९ साउन । मंगलबार विहानदेखि लगातार परेको अविरल वर्षाका कारण दाङ जिल्लाको विभिन्न स्थानमा क्षति भएको जिल्ला प्रहरी कार्यालय दाङले जनाएको छ ।

जिल्ला प्रहरी कार्यालय दाङका प्रवक्ता राजनकुमार गौतमले दिनुभएको जानकारी अनुसार देउखुरी क्षेत्रमा केही गाउँहरु डुवानमा परेका छन् । जिल्लाका विभिन्न स्थानका खोलाहरु बढेका छन् । खोला तर्ने क्रममा केही गाडी बगेका छन् । कतै घर डुवानमा परेका छन् ।

राजपुर गाउँपालिकाको वडा नं. ५ भुर्किहवा स्थित अबिरल बर्षाका कारण राप्ती नढीको सतह बढ्दै जाँदा त्यस स्थानमा रहेका १०÷१२ वटा घर डुबानमा परेका छन् । घरहरु डुवानमा परेको भन्ने खबर प्राप्त हुनासाथ प्रहरी चौकी चङगुवाबाट गएको प्रहरी टोलीले उद्दार गरेको थियो । घटनामा मानबिय तथा पशु चौपायाको क्षति नभएको पनि गौतमले जानकारी दिनुभयो ।

यस्तै बेलामा पनि बर्षादले क्षति पु¥याएको छ । राती देखि परेको अबिरल वर्षाको कारण राजपुर गाउँपालिका वडा नं. २ बेला बस्ने पुष्पा नेपालीको एक तले खरले छाएको कच्ची घरको एकातिरको भित्ता विहान भत्किएको थियो । घर भत्किएपछि उहाँको परिवारलाई छिमेकी ग्वाते कुमालको घरमा सारिएको छ । त्यस स्थानमा प्रहरी चौकी वेलाबाट गएको प्रहरी टोलीले उद्दार गरेको थियो ।

सोही क्रममा तुलसीपुर उ.म.न.पा.१४ जनकपुरस्थित सौडियार–सर्रा सडक खण्डमा पर्ने सोता खोलाले तुलसीपुरबाट घोराही तर्फ आउँदै गरेको बा ११ च ९५११ नं.को स्कारपिओ गाडीलाई बगाएको थियो । अस्थायी प्रहरी पोष्ट कोठरी र अस्थायी प्रहरी पोष्ट दलजितपुर दाङबाट प्रहरी टोलीले चालकलाई सकुशल उद्दार गरेको थियो । गाडी बगाएर खोलाको केही तल बगेको थियो ।

अविरल बर्षादलका कारणले गर्दा लमहीमा केही घर डुवानमा परेको बताइएको छ । डुवान भएको क्षेत्रमा वडा प्रहरी कार्यालयबाट प्रहरी निरिक्षक शंकर श्रेष्ठको नेतृत्वमा प्रहरी टोली खटिएको छ । लमही नगरपालिका वडा नं. १ सुनडबरी बस्ने बर्ष ७० को निम बहादुर सार्कीको फुसले छाएको १ तले कच्ची घरमा पानी पसेको छ । पानी पसेको घरबाट दुई जनाको परिवारलाई उद्दार गरी छोरा छबे सार्कीको घरमा राखिएको छ ।

यस्तै लमहीको वडा नं. ३ कान्तीपुर बस्ने बर्ष ३६ को राम बहादुर कुमालको १ तले पक्की घरमा पानी पसेको छ भने उहाँको परिवार घरको छतमा बसिरहेको प्रहरीले जानकारी दिएको छ । सोही वडामा बस्ने सुशिल कुमालको २ तले कच्ची घरमा पानी पसेको छ भने परिवारका सदस्यहरुलाई पानी पस्नु भन्दा पहिले नै सुरक्षित ठाउमा लगिएको थियो । यसैगरी ६० बर्षिय दयाराम चौधरीको २ तले कच्ची घरमा पानी पसेको छ । उहाँहरु पनि पानी पस्नु भन्दा पहिले नै सुरक्षित ठाउँमा जानुभएको प्रहरी प्रवक्ता गौतमले जानकारी दिनुभयो ।

राप्ती पारी गढवा गाउँपालिकामा पर्ने कालाकाटे देखि गोबडिया हुँदै गढवा सम्मको हुलाकी सडक खण्डका विभिन्न स्थानमा बाढी आई लेदो खसेर बाटो अवरुद्ध भएको छ । बाटो खुलाउनका लागि अस्थायी प्रहरी पोष्ट कालाकाटेबाट प्र. स. नि. नेत्रलाल के.सी को कमाण्डमा प्रहरी टोली खटिएको छ भने प्रहरी चौकी गोबडीयाबाट प्र.स.नि.कमल बन्जाडेको कमाण्डमा प्रहरी टोली खटिएको छ । अविरल बर्षादका कारणले बेला–गढवा सडक खण्ड चन्दनपुर खोलामा आएको बाढीले सडक अवरुद्ध भएको छ । त्यस क्षेत्रमा इलाका प्रहरी कार्यालय गढवा दाङबाट प्रहरी निरिक्षकनविन वली को कमाण्डमा प्रहरी टोली खटिएको छ ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img