रूकुममा पत्रकार आचारसंहिता अन्तरक्रिया
महेश केसी (रूकुम पश्चिम)
जिल्ला सदरमुकाम खलंगामा आज पत्रकार आचारसंहिता, पत्रकारिता वर्गिकरण एवम् मिडिया विकास कोषको सुविधा सम्बन्धी अन्तरक्रिया कार्यक्रम आयोजना गरिएको छ ।
कार्यक्रममा पत्रकार आचारसंहिताका बिषयमा प्रेस काउन्सिल नेपालका वोर्ड सदस्य ठाकुर प्रसाद वेल्वासेले, पत्रपत्रिका मुल्याङकन र वर्गीकरणका बिषयमा काउन्सिलका वोर्ड सदस्य शरद अधिकारीले र मिडिया विकास कोषको सुविधाका बिषयमा काउन्सिलका मुख्य अधिकृत झविन्द्र भुसालले प्रस्तुतीकरण गरेका थिए ।
प्रेस काउन्सिल नेपालको आयोजना तथा नेपाल पत्रकार महासंघ रूकुम पश्चिमको संयोजनमा भएको कार्यक्रममा जिल्ला स्थित बिभिन्न सरोकारवाला निकायका प्रमुख तथा प्रतिनिधि एवम् संञ्चारकर्मीको सहभागिता थियो ।
