राप्ती पोष्ट
दाङ, असोज । नेकपा एमालेबाट दाङ क्षेत्र नं. २ को २ मा उमेदवार बन्नुभएका गिरिराज केसीलाई विजयी बनाउनका लागि तयारी थालिएको छ । निर्वाचन निर्देशक समितिका संयोजक तुलसा केसीको अध्यक्षता तथा नेकपा एमाले लुम्विनी प्रदेश कमिटीका सह–इञ्चार्ज जीवन गौतमको प्रमुख आतिथ्यमा बसेको बैठकले वडागत रुपमा जिम्मेवारी प्रदान गरेको छ ।
जस अनुसार प्रदेश सभा २ (२)मा रहेका घोराहीका आठवटा र तुलसीपुरका चारवटा वडाका लागि प्रदेश कमिटी सदस्यहरुलाई जिम्मेवारी प्रदान गरेको छ । घोराहीको वडा नं. ६ र ७ मा प्रमोद शर्मा, वडा नं. ८ मा गणेश लम्साल र लिला विकलाई जिम्मेवारी दिएको छ । यसैगरी वडा नं. ९ मा गणेश लम्साल र शरद अधिकारी, वडा नं. १० मा गोविन्द आचार्य र प्याउली केसी, वडा नं. ११ सुरेश गौतम, वडा नं. १२ मा गोविन्द आचार्य र वडा नं. १६ मा अरुण शर्मालाई जिम्मेवारी दिइएको छ ।
यसैगरी तुलसीपुर उपमहानगरपालिका अन्तरगतका वडाहरुमध्य मध्य वडा नं. १६ का लागि धु्रव आचार्य, वडा नं. १७ मा बामदेव खनाल, वडा नं. १८ मा ज्ञानबहादुर बस्नेत र केशव शर्मा र वडा नंं १९ मा टोपेन्द्र केसी र शिव थापालाई जिम्मेवारी प्रदान गरिएको छ ।
यसैगरी बैठकले तुलसा केसीको संयोजकत्वमा गोविन्द आचार्य, प्रमोद शर्मा, धु्रव आचार्य, मानबहादुर बस्नेत, कुलबहादुर लामिछाने र लोकबहादुर वली रहेको सचिवालय गठन गरेको छ । यसैगरी क्षेत्र नं. २ को २ का उमेदवारलाई विजयी गराउनका प्रचार काम व्यवस्थित गर्न शरद अधिकारीको संयोजकत्वमा सुरेश गौतम र प्रमोद शर्मा रहेको प्रचार प्रसार कमिटी गठन गरिएको छ ।
बैठकमा बोल्दै नेकपा एमालेका केन्द्रिय सदस्य तथा लुम्विनी प्रदेश कमिटीका सह–इञ्चार्ज गौतमले देशव्यापी रुपमा नेकपा एमालेको पक्षमा चुनावी माहौल रहेको भन्दै नेकपा एमालेका उमेदवारलाई विजयी गराउनका लागि भूमिका खेल्न आग्रह गर्नुभयो । बैठकमा उमेदवार गिरिराज केसीले आफू लामो समयदेखि जनताको बीचमा रहेकाले जनताको समस्यालाई नजिकबाट बुझेको बताउनुभयो । उहाँले जनताको अपेक्षालाई पुरा गर्नका लागि आफू तयार रहेको र पार्टीको सहयोगले आफूले जिम्मेवारी निर्वाह गर्ने बताउनुभयो । बैठकमा प्रदेश कमिटीका सचिवालय सदस्य शिवकुमार आचार्यले पनि सम्वोधन गर्नुभएको थियो ।
माओवादीका स्थानीय नेता एमालेमा
नेकपा माओवादी केन्द्रको पूर्व जिल्ला कमिटीका सदस्यहरु समेत चार जना नेकपा एमालेमा प्रवेश गर्नुभएको छ ।
घोराही उपमहानगरपालिका वडा नं. ९ मा आयोजित कार्यक्रममा पूर्व जिल्ला सदस्यहरु अर्जुन रावत र प्रकाश अली, शिक्षक संगठनमा आवद्ध बावुराम विक र कृष्ण केसी नेकपा एमालेमा प्रवेश गर्नुभएको हो ।
नेकपा एमालेका केन्द्रिय सदस्य तथा लुम्विनी प्रदेश कमिटीका सह इञ्चार्ज जीवन गौतम लगायतले उहाँहरुलाई नेकपा एमालेमा प्रवेश गराउनुभएको हो । नेकपा एमालेले मात्रै मुलुकको भविश्य निर्माण गर्न सक्ने भन्दै उहाँहरु एमालेमा प्रवेश गरेको नेकपा एमाले लुम्विनी प्रदेश कमिटी सदस्य प्रमोद शर्माले जानकारी दिनुभयो ।
