सुरेस मगर/राप्ती पोष्ट
दाङ, साउन । दाङ जिल्लामा गत आर्थिक बर्षमा भएका सवारी दुर्घटनामा परेर ४८ जना चालक सहित ९५ जनाको ज्यान गएको छ । जिल्ला ट्राफिक कार्यालय दाङका अनुसार मृत्युको संख्याको हिसावले यो संख्या अघिल्लो आर्थिक बर्षको तुलनामा बढी हो ।
गएको आर्थिक बर्ष २०७८÷०७९ मा दुई सय तीनवटा सवारी दुर्घटना भएका थिए । जसमा साउनको महिनामा २० वटा, भदौमा १७ वटा, असोजमा ११ वटा, कात्तिकमा १९ वटा, मंसिरमा २४ वटा, पुसमा १६ वटा, माघमा ११ वटा, फागुनमा २४ वटा, चैतमा २१ वटा, बैशाखमा ११ वटा जेठमा १३ वटा र असारमा सवैभन्दा कम अर्थात नौं वटा मात्रै सवारी दुर्घटनामा परेका थिए ।
जिल्ला ट्राफिक कार्यालयका हवल्दार लोकेन्द्रबहादुर केसीका अनुसार गएको आर्थिक बर्षमा भएका सवारी दुर्घटनामा ४८ जना चालक र ४७ जना सर्वसाधारणको ज्यान गएको थियो । गत आर्थिक बर्ष भएका दुर्घटनामध्य साउनमा दुई जना चालकको ज्यान गएको थियो । १० जना चालक घाइते भएका थिए । जसमा सर्वसाधारण दुईजनाको ज्यान गएको थियो भने ११ जना सर्वसाधारण घाइते भएका थिए ।
यसैगरी भदौमा छ जना चालकको ज्यान भयो । आठ जना घाइते भए भने छ जना सर्वसाधारणको ज्यान गयो । यस्तै ११ जना सर्वसाधारण घाइते पनि भए । असारमा पाँच जना चालक घाइते भएका थिए । सर्व साधारण एकजनाको ज्यान गएको थियो भने १४ जना सर्वसाधारण घाइते भएका थिए ।
कात्तिकमा सवारी दुर्घटनामा परेर पाँचजना चालकको र चार जना सर्वसाधारणको ज्यान गएको थियो । छ जना चालक घाइते भएका थिए भने २४ जना सर्व साधारण घाइते भएका थिए । मंसिरमा आठ जना चालकको दुर्घटनामा परेर ज्यान गएको थियो । यो महिनामा सात जना चालक घाइते भ एभने सर्वसाधारण सात जनाको ज्यान गएको थियो । यो महिनामा सवैभन्दा बढी सर्वधारण घाइते भएको ट्राफिक कार्यलयको तथ्याङ्का रहेको छ । मंसिरमा ६९ जना सर्वसाधारण घाइते भएका थिए ।
पुसको महिनामा चालक तीन जनाको ज्यान गएको थियो । सात जना चालक घाइते भएका थिए भने छ जना सर्वसाधारणको ज्यान गएको थियो । १४ जना सर्वसाधारण घाइते भएका थिए । माघको महिनामा एक जना चालक र दुई जना सर्वसाधारणको मृत्यु भयो । सात जना चालक र १४ जना सर्वसाधारण घाइते भएका थिए । फागुनको महिनामा छ जना चालक र पाँच जना सर्वसाधारणको ज्यान गएको थियो । १३ जना चालक घाइते भएका थिए भने १५ जना सर्व साधारण घाइते भएका थिए ।
यसैगरी चैतको महिनामा चालक तीन जनाको र सर्वसाधारण तीन जनाको ज्यान गएको थियो । १९ जना चालक र २१ जना सर्वसाधारण दुर्घटनामा घाइते भएका थिए । बैशाखमा चार जना चालक र चारै जना सर्वसाधारणको ज्यान गएको थियो । बैशाखमा चालक नौ जना र सर्वसाधारण ३० जना घाइते भएका थिए । जेठ महिनामा आठ जना चालक र चार जना सर्वसाधारणको ज्यान गएको थियो । तीन जना चालक र पाँच जना सर्वसाधारण दुर्घटनामा परेर घाइते भएका थिए । यस्तै असारमा दुई जना चालकको मृत्यु भयो । तीन जना घाइते भ एभने पाँच जना सर्वसाधारणको ज्यान गएको थियो । यस्तै तीन जना सर्वसाधारण घाइते भएका थिए ।
गएको आर्थिक बर्ष दुई सय तीनवटा दुर्घटना हुँदा ९७ जना चालक दुर्घटनामा घाइते भएका देखिन्छन । यस्तै दुई सय ३८ जना सर्वसाधारण पनि दुर्घटनामा घाइते भएका छन् । कुल दुर्घटनामध्य ८३ वटा मुद्दाको प्रक्रियामा अघि बढेका प्रहरी हवल्दार केसीले जानकारी दिनुभयो । अघिल्लो बर्षको तुलनामा गत बर्ष दुर्घटनामा मृत्यु हुनेको संख्या बढेको छ । आर्थिक बर्ष २०७७÷०७८ मा दाङ जिल्लामा भएका सवारी दुर्घटनामा ७७ जना नागरिकको ज्यान गएको थियो ।
अघिल्लो आर्थिक बर्षमा जिल्लामा कुल दुई सय ८९ वटा सवारी साधन दुर्घटना भएका थिए । जसमा मोटरसाइकिलको संख्या सवैभन्दा धेरै रहेको थियो । जिल्लाभर गरेर एक सय ६६ वटा मोटरसाइकिल दुर्घटना भएका थिए । यसपछि धेरै दुर्घटनामा पर्नेहरुमा जिपकार रहेका थिए । अघिल्लो आर्थिक बर्षमा २९ वटा जिप कार दुर्घटनामा परेका थिए । यस्तै टेम्पो २१ वटा, ट्रक÷ट्याङ्कर १५वटा, ट्रयाक्टर १४ वटा, सरकारी गाडी १६ वटा, बस १८ वटा, माइक्रो दुईवटा गरेर जम्मा दुई सय ८९ वटा सवारी साधन दुर्घटनामा परेका थिए ।
जिल्ला ट्राफिक कार्यालयका प्रहरी हवल्दार केसीले दिएको जानकारी अनुसार आर्थिक बर्ष २०७७÷०७८ का १२ महिनामध्य सवैभन्दा धेरै दुर्घटना साउनको महिनामा भएका थिए । साउनको महिनामा ३७ वटा सवारी दुर्घटना भएका थिए । जसमा सवैभन्दा धेरै मोटरसाइकिल रहेका थिए । मंसिरको महिनामा ३४ वटा सवारी दुर्घटना भएका थिए । यस्तै चैतको महिनामा ३२ वटा सवारीका साधन दुर्घटनामा परेका थिए ।
हवल्दार केसीले दिएको तथ्याङ्क अनुसार सोही बर्ष भदौमा ३२ वटा, असोजमा १७ वटा, कात्तिकमा २० वटा, पुसमा २५ वटा, माघमा २२ वटा, फागुनमा २८ वटा दुर्घटना भएका थिए । गएको बैशाखमा २० वटा र जेठको महिनामा सवैभन्दा कम दुर्घटना भएका थिए । जेठमा ७ वटा मात्रै दुर्घटना भएका थिए । असारमा १५ वटा सवारीका साधन दुर्घटना भएका थिए । दाङ जिल्लामा भएको दुर्घटनामध्य बढी दुर्घटना पूर्व पश्चिम राजमार्ग अन्तरगत हुने गरेका छन् । दुर्घटनाको मुख्य कारणमा तिव्र गति रहेको प्रहरीको भनाई छ । प्रहरी निरिक्षक झविन्द्र परियारका अनुसार सवारीका साधन तिव्र गतिमा हुँदा दुर्घटना बढी हुने गरेको छ । पूर्व पश्चिम राजमार्गमा तिव्र गतिमा सवारीका साधन हिड्ने गरेका छन् । यस्तै लमही–घोराही–तुलसीपुरको सडकको अवस्था राम्रो नहुँदा पनि दुर्घटना बढी हुने गरेको छ ।
