spot_img
spot_img

समाजसेवामा अव्वल जेठुकान्छु

वडाको विकासमा नमूना काम गर्ने घोषणा

राप्ती पोष्ट

तुलसीपुर, ५ का उमेदवार पदम पोख्रेल (जेठुकान्छु)

तुलसीपुर, बैशाख । युवा उमेरमा नै समाजसेवामा ख्याती कमाएका पदम पोख्रेल (जेठुकान्छु)तुलसीपुर उपमहानगरपालिका वडा नं. ५ मा अध्यक्षको उमेदवार बनेपछि थप चर्चामा आउनुभएको छ । तुलसीपुरको मुख्य बजारलाई व्यवस्थित गराउनकालागि विभिन्न योजनाहरु सार्वजनिक गरेपछि पोख्रेल थप चर्चामा आउनुभएको हो ।

नेकपा एमालेबाट उमेदवार बन्नुभएका पोखरेलले तुलसीपुरको मुख्य बजारको विकास, विभिन्न स्थानमा आकाशे पुल, अरनिको मैदानमा अण्डरग्राउण्ड पार्किङ निर्माण गर्ने सम्मको महत्वकांक्षी योजना सहितको सार्वजनिक गर्नुभएको हो । तुलसीपुर बजारका विभिन्न स्थानमा आवागमनका लागि निकै समस्या भएकाले आकाशे पुल बनाउनैपर्ने अवस्था आएको भन्दै पोख्रेलले पाँच बर्षमा तुलसीपुरको मुख्य बजारको मुहार फेर्ने गरी काम गर्ने बताउनुभयो ।

घरदैलोमा मत माग्दै

प्रतिवद्धता पत्र सार्वजनिक गर्दै पोखरेलले तुलसीपुरमा बढदै गएको अव्यवस्थीत पार्कीङलाई व्यवस्थीत गर्दै अरनिको मैदानलाई अन्डरग्राउन्ड पार्किङ सहितको मिनी रंगशाला, जहाँ क्षति त्यहाँ गति भन्ने नाराका साथ क्षति भएको सडकहरुको २४ घण्टाभित्र मर्मत, वजार क्षेत्रमा कौशी खेति गर्नेलाई प्रोत्साहन उल्लेख छ । पोख्रेलले आफुहरुको जितेमा पातुखोला किनार क्षेत्रमा रहेको करिडोरमा वृक्षारोपन, गरी हरियाली पार्कका रुपमा विकास गर्ने, ऐलानी अव्यवस्थीतलाई लालपूर्जा वितरण, अभिभावकविहिन अतिविपन्न बालबालिकाहरुको शिक्षाको जिम्मा लिइने देखि सुत्केरी र जेष्ठ नागरिकहरुलाई अस्पतालसम्म जानका लागि निशुल्क घुम्ती अटो सेवा प्रदान गर्ने सम्मको प्रतिवद्धता सार्वजनिक गर्नुभएको छ ।

तुलसीपुरमा रहेर विगतमा अटो भिलेजलाई व्यवस्थित गराउनका लागि महत्वपूर्ण भूमिका खेल्नुभएका पोखरेलले तुलसीपुरको पातु खोलामा रहेको बस्तीका बासिन्दालाई लालपुर्जाको अधिकार दिलाउनका लागि भूमिका खेल्नुभएको हो । यस्तै तुलसीपुरको बसपार्कलाई व्यवस्थित गराउनकालागि पनि उहाँले भूमिका खेल्नुभएको थियो ।

गत बर्ष कोरोनाको समयमा विरामीका घरमा अक्सिजन सिलिण्डर पुराउँदै ।

गत बर्ष कोरोनाको समयमा विरामीका लागि अक्सिसन पुराउने अभियानको नेतृत्व गर्नुभएका पोखरेललाई वडाध्यक्षको उमेदवारका रुपमा पाएपछि स्थानीय पनि खुशी देखिएका छन् । जनताको सुखदुखमा साथ दिएको पहिले नै देखिसकेका वडाबासीले पोखे्रलले जितेमा वडाको विकास अघि बढ्ने विश्वास गरेका छन् । तुलसीपुरको वडा नं. ५ मा युवराज नेपाली, रिखिराम खरेल, महिला सदस्यमा लालमती भण्डारी र दलित महिला सदस्यमा राधिका नेपाली चुनावी मैदानमा हुनुहुन्छ ।

 

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img