राप्ती पोष्ट
घोराही, चैत । राष्ट्रसेवक बहुमुखी सहकारी संस्था लिमिटेड घोराही दाङको २० औँ वार्षिक साधारण सभा तथा १० औँ अधिवेशन सम्पन्न भएको छ ।
संस्थाका अध्यक्ष गणेशप्रसाद दाहालको अध्यक्षतामा भएको अधिवेशनको उद्घाटन नेपाल निजामति कर्मचारी संगठन केन्द्रिय कार्यसमिति अध्यक्ष लेखनाथ कोईरालाले गर्नुभएको थियो । कार्यक्रमलाई सम्बोधन गर्दै कोईरालाले निवृत्त राष्ट्र सेवक कर्मचारीलाई स्वास्थ्य उपचारको व्यवस्था गर्न राज्यसँग विशेष माग गर्नुभयो ।
उहाँले पेशाकालमा समय खर्चेका मध्य ९९ प्रतिशत निवृत्त राष्ट्रिय सेवक परनिर्भरको अवस्थाबाट गुज्रिरहेकाले राज्यले उनीहरुको योगदानको कदर गर्नुपर्नेमा जोड दिनुुभयो । हिजोका दिनमा पनि निजामति कर्मचारीको कामको योगदानमा आधारित विषयलाई संस्थागत गर्न संगठनका माध्यमबाट पहल हुँदै आएपनि सार्थक बन्न नसकेकाले यसलाई साझा अभियानकै रुपमा उठाउन अपिल गर्नुभयो ।
कार्यक्रमलाई घोराही उपमहानगरपालिकाका नगरप्रमुख नरुलाल चौधरी, नेकपा एमालेका जिल्ला अध्यक्ष हुकुमबहादुर बस्नेत, जिल्ला समन्वय समिति सदस्य खिमबहादुर डाँगी, नेपाल निजामती कर्मचारी संगठनका शेरबहादुर केसीलगायतले बोल्नुुभएको थियो ।
संस्थाका कोषाध्यक्ष बाबुराम अधिकारीको स्वागत मन्तव्यबाट शुरुभएको कार्यक्रमको सहजीकरण सचिव सुरेशकुमार शर्माले गर्नुुभएको थियो ।
राष्ट्रसेवकको अध्यक्षमा पुनः दाहाल
यसैबीच, राष्ट्रसेवक बहुुमुखी सहकारी संस्था लिमिटेडको अध्यक्षमा पुुनः गणेशप्रसाद दाहाल चयन हुनुुभएको छ । अध्यक्ष दाहालको अध्यक्षतामा आगामी कार्यकालका लागि नयाँ नेतृत्व चयन गरिएको छ । जसको उपाध्यक्षमा सुरेशकुमार शर्मा, सचिवमा दिनमणि योगी, सहसचिवमा प्रेम वली चयन हुुनुुभएको छ ।
यसैगरी संस्थाको कोषाध्यक्षमा विश्वमाया बहकरी, सदस्यहरुमा ईश्वरीप्रसाद घिमिरे, किरण अधिकारी, शालिकराम पराजुुली, गंगाराम आचार्य, ईश्वरा रावत, भीमकुमारी बस्नेत चयन हुुनुुभएको छ । यस्तै, संस्थाले लेखा संयोजकमा लक्ष्मी अधिकारी, शिक्षा उपसमिति संयोजकमा गंगाराम आचार्यलाई, ऋण समिति संयोजकमा सुरेशकुमार शर्मालाई चयन गरेको छ ।
