spot_img
spot_img

कारागारलाई सुधारगृहका रुपमा विकास गर्नुपर्ने

प्रमुख जिल्ला अधिकारी रेग्मी कारागारको अनुगमनमा

तुलसीपुर/ कात्तिक । दाङ जिल्लाका प्रमुख जिल्ला अधिकारी हिरालाल रेग्मीले कारागारहरुलाई सुधारगृहका रुपमा विकास गर्नुपर्ने बताउनुभएको छ । कारागारहरुमा रहेको सेवा सुविधाको अवस्था अवलोकनपछि सोमबार प्रजिअ रेग्मीले यस्तो बताउनुभएको हो ।

उहाँले जिल्लामा रहेका कारागारहरुको अबस्था सुधार हुँदैजाने पनि बताउनुभयो । सोमबार तुलसीपुरमा रहेको कारागारको निरिक्षण पछि प्रजिअ रेग्मीले समय अनुसार कारागारको भौतिक अबस्था, ब्यबस्थापन पक्ष र सेवा सुबिधाहरु डिजिटल प्रणाली अनुसार परिमार्जन गर्दै लैजानु पर्ने बताउनु भयो ।

उहाँले पुरानो कारागार ऐन लाई परिमार्जन गरेर नयाँ ऐन ल्याउनुपर्ने समेत बताउनु भयो । कारागारमा रहेका कैदी बन्दिहरुलाई सिपमुलक कार्यमा लाग्न राज्यले प्रोत्साहन गर्नुपर्नेमा समेत उहाँको जोड थियो । कारागार भित्र रहेका कैदि बन्दिहरुको सिप र क्षमतालाई राज्यले समयमै चिनेर उनिहरुको सिपको कदर गर्नु पर्ने बेला आएको समेत उहाँले आंैल्याउनुभयो ।

कारागार भित्र कुनै पनि कमी कमजोरी हुन नहुने भन्दै प्रजिअ रेग्मीले कारागारमा रहेका असुविधाका बारेमा सम्वन्धित निकायमा पुर्‍याएर समस्या समाधानका लागि पहल गर्ने आश्वासन दिनुभयो । उहाँले भन्नुभयो-‘कुनै समस्या परेको खण्डमा ति समस्याहरुलाई समाधान गर्न हामी तयार छौं ।’ कारागार हरुलाई सुधार गृहको रुपमा बिकास गर्दै अगाडि बढनुपर्ने भन्दै प्रजिअ रेग्मीले उनिहरुको सिप र क्षमतालाई राज्यले समयमै पहिचान गरेर उत्पादनसँग जोडदै लैजानुपर्ने बताउनु भयो ।

तुलसीपुर कारागारमा २८ जना महिला तीन जना बालबालिका १३ जना बिदेशी नागरिक सहित जम्मा चार सय ९७ जना कैदि बन्दीहरु रहेका छन् ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img