spot_img
spot_img

जिल्लामा थपिने र निको हुने कोरोना संक्रमितको संख्या उस्तै उस्तै

राप्ती पोष्ट
दाङ, ७ जेठ । देशभर कोरोना संक्रमितको संख्या कम हुन नसकेको अवस्थामा दाङ जिल्लामा भने संक्रमितको संख्या कम हुँदै गएको छ । पछिल्लो २४ घण्टामा जिल्लाभर एक सय ७९ जना नयाँ संक्रमित थपिएका छन् । यो अघिल्लो दिनको तुलनामा कम हो । अघिल्लो दिन मात्रै दुई सय ४५ जना संक्रमित थपिएका थिए ।

जिल्ला आपतकालीन कार्य सञ्चालन केन्द्र दाङका अनुसार पछिल्लो २४ घण्टामा दाङका एक सय ७६ जना कोरोनाका विरामी निको भएका छन् । केही दिन यता निको हुने संक्रमितको संख्या बढीरहेको छ । अघिल्लो दिन मात्रै जिल्लाभर चार सय ५८ जना संक्रमित निको भएका थिए ।

दाङ जिल्लामा गत बैशाख यता तीन हजार छ सय भन्दा बढी निको भएका छन् । वितेको ३८ दिनमा तीन हजार छ सय ४३ जना संक्रमण मुक्त भएको जिल्ला आपतकालिन कार्य संचालन केन्द्रले जानकारी दिएको छ । केन्द्र दाङका अनुसार राप्ती स्वास्थ्य बिज्ञान प्रतिष्ठान घोराही तथा जिल्ला बाहिर गरिएको पिसिआर परिक्षणमा आज एक सय ७९ जनामा कोरोना संक्रमण पुष्टि भएको हो । दुई सय ५० जनाको स्वाब परिक्षण गर्दा ९५ जना महिला र ८४ जना पुरुषमा संक्रमण देखिएको हो ।

यस्तै गत बैशाख १ गते यता जिल्लामा छ हजार ५४ जनामा संक्रमण पुष्टि भएको छ । अहिले संक्रिय संक्रमितको संख्या दुई हजार चार सय ११ जना रहेको छ । कोरोनाका सक्रिय विरामीमध्ये अहिले अधिकांश संक्रमित घरमै रहेका छन् ।
अहिले जिल्लाका एक सय ६८ जना संस्थागत आईशोलेशनमा बसेका छन् भने दुई हजार दुई सय ४३ जना संक्रमित घरमै बसेका छन । यस्तै कोरोना बिषेश अस्पताल बेलझुण्डिमा ५३ जना उपचाररत रहेका छन ।

राप्ती स्वास्थ्य बिज्ञान प्रतिष्ठानमा २९ जना बिरामी भर्ना भएका छन् । तुलसीपुर उपमहानगरपालिकाले सञ्चालन गरेको मेट्रोसिटि अस्पतालमा २७ जनाको उपचार भईरहेको छ । यता लमहीको रातोडाँडामा सञ्चालन गरिएको अस्पतालमा १७ जना, राप्ति गाउँपालिकाले सञ्चालन गरेको आईशोलेशन सेन्टरमा १५, दंगिशरणमा ११, शान्तिनगर, बबई र बंग्लाचुलमा ४÷४ जनाको र गढवामा एक जना कोरोनाका विरामीको उपचार भैरहेको छ ।

यस्तै वितेको २४ घण्टामा दुई जनाको मृत्यु भएको छ । यसरी मृत्यु हुनेमा तुलसीपुर र राप्ती गाउँपालिकाका १÷१ जना कोरोनाका विरामी रहेका छन् । कोरोना बिशेष अस्पताल वेलझुण्डीमा उपचाररत तुलसीपुर १३ का ७३ वर्षिय पुरुषको उपचारको क्रममा मृत्यु भएको हो । यस्तै राप्ती गाउँपालिका वडा नंम्बर ५ का ५८ वर्षिय पुरुषको गाउँपालिकाले सञ्चालन गरेको आईशोलेशनमै मृत्यु भएको होे । यो संगै बैशाख १ गते यता अहिलेसम्म जिल्लमा संक्रमणका कारण मृत्यु हुनेको संख्या एक सय ४८ पुगेको छ ।

spot_img
spot_img
सम्बन्धीत समाचार
थप समाचार
spot_img

चर्चित समाचार

spot_img
spot_img
spot_img